Shillong, May 11: Meghalaya a•dokko chu•gimik Citizenship Amendment Act (CAA)-oniko watchina gita Meghalaya sorkari, ma•mong sorkari baksa agangrikengkua ine Budbar salo, a•dokni Deputy Chief Minister Prestone Tynsong parakataha.

Tynsong-ni parakatani gitade, da•o dipet Meghalaya a•doko CAA-ko Scheduled area-rangonikosan watengkua aro a•dokni 3 percent ong•gipa European ward-osan man•engani gimin ia chu•gimik biaprangkon watchina gita a•dok sorkari, ma•mong sorkari baksa agangrikenga.

Da•o dipet gipin a•songrangoni Meghalaya a•doko aro India a•song gimikon songdongkamna gita dorgasto galgipa mande saksaba dongkuja ineba Tynsong parakataha.

“Chinga Meghalaya a•dokko chu•gimik CAA-oniko watchina ma•mong sorkari baksa agangrikenga indiba da•o dipet chinga ma•mong sorkarini iani bidingo aganchakaniko man•soa dongkuja,” ine Deputy CM parakataha.

Indake ong•engon, Meghalaya a•doko Inner Line Permit (ILP)-ko ra•gatchina aro a•dokni Khasi baksana Garo ku•sikrangko Eighth Schedule-o ra•gatchina dabienggipani bidingo MDA sorkari, ma•mong sorkari baksa agangrikengkua ineba Tynsong parakataha.

Ia dabianirangara Meghalaya a•dokna nangchongmotgipa ong•ani gimin ia dabianirangko a•dok sorkari bon•chipatjawa ineba Tynsong parakataha.