Nongpoh, May 26: Meghalaya-ni Police officer saksani bimungko ra∙e tol∙gipa social media account-rangko tarie manderangko online togianirangko dakenganina Ri Bhoi Police Rajasthan-oni mande saksako rim∙aha.
Matnangako man∙gipa mande Rajasthan-ni Alwar a∙jani Kakrali Meo songoni Farukh Khan minggipa mandeni depante Jahul Ali ong∙a aro Ri Bhoi Police namedake am∙sandianirangko dakani ja∙mano uko May 23 tariko Jaipur-oniko rim∙aha.
Police-ni aganani gitade, social media-o togiako man∙gipa adita manderang Nongpoh Police Station-ona re∙ange aganani ja∙mano ia obostani gimin u∙ina man∙aha. Ia agananirango pangchake, Bharatiya Nyaya Sanhita (BNS) aro Information Technology Act-ni adita section-rangni ning∙ao police-rang badi ka∙aha.
Matnangako man∙gipa mande Meghalaya-ni Western Range-ni Deputy Inspector General (DIG) of Police, Vivekanand Singh Rathore-ni bimungo social media account-rangko kulienba uni bimungo manderangko togie tangkarangko rope cha∙engachim ine koborko man∙aha.
Ia ong∙gimin obostao gipin manderangni jak dongama dongja da∙o am∙sandianirangko dakengkua ine police official-rang aganaha.
Uandake social media-ko jakkalmitingo simsakchina aro namedake u∙ichenggijade tangkarangko gipinrangna watjachina aro an∙tangni gimin talatanirangko dakjachina Ri Bhoi Police manderangna mikrakataniko on∙ataha.
Na·simang iakoba nina man·gen:
Na·simang iakoba poraina man·gen: Ottawa-o ong•atenggipa chang 16-gipa, Canadian Parliamentary Seminar-o Meghalaya Assembly-ni Speaker bak ra•angenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
