Shillong, Dec 2: Meghalaya a•dokni sak 25 bi•sarangko niam gri Karnataka a•dokona watatahani gimin Leisynshar Cultural Society minggipa dolni kosako Meghalaya State Commission for Protection of Child Rights (MSCPCR) ja•ku de•aha.
Ia sak 25 bi•sarangara, bilsi 8-oni bilsi 13 ong•kuenggipa bi•sarangsa ong•achim aro ia bi•sarangoni sak 10-de East Khasi Hills-oni, sak 7-de East Jaintia Hills-oni, sak 6-de West Jaintia Hills-oni aro saksade West Khasi Hills a•jaoni ong•a.
Ia bi•sarangko, niam gri chalaienggipa Leisynshar Cultural Society, indin lekka porako on•na aro hostel-rango donna ku•rachakenba, Karnataka a•dokni Chikkaballapur a•jao donggipa Sowmya Kesanupallii Student Home-ona watatahachim indiba rasong gnange ia bi•sarangko somoi gita jokatpilna man•aha.
Iani bidingo MSCPCR-ni Chairperson Agatha K Sangma, kobor ra•timgiparangna talataniko on•angengon, Leisynshar Cultural Society-ko niam grisa chalaiengachim aro da•o ia dolni kamrangko dontongchina gita Deputy Commissioner ge•etaniko on•aha ine parakataha.
Jokata man•gipa sak 25 bi•sarangni gimin janapatengon, ia bi•sarangna sorkari aro Social Welfare department, lekka porako on•gen aro re•baenggipa bilsioni skulrango watgnok ine Sangma parakataha.
A•dokni bi•sarangko iandake lekka pora on•na ine dingtang dingtang dolrangni, gipin biaprangona watate cha•bokrongengani gimin an•tangni suk ong•gijaniko parakatengon, bang•bata changon bi•sarang togiako man•rongengani gimin Meghalaya sorkari, skulrangko namdapatna kam ka•enga ine Sangma aganaha.
Ia bi•sarangko da•o Chikkaballapur-ni Government Children’s Home-o donkuenga aro ia obostako Karnataka High Court jako ra•aha ineba MSCPCR-ni Chairperson parakataha.
Na·simang iakoba nina man·gen:
Na·simang iakoba poraina man·gen: Tura Riders, Sikkim Motocross Mania 2025-o niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
