Shillong, Sept 12: Bristibar salo Shillong-ni State Convention Centre-o programme-ko ong·atanio, All Meghalaya Upper Primary and Secondary Deficit Pattern School Teachers’ Association, education sector-ko dakchakanina a·dok sorkariko mitele mande ra·aniko dakangaha.
Ia programme-o a·dokni Skotong Minister Conrad K. Sangma mongsonggipa sokgipa ong·e re·baaha. Una agre gipin dilgiparang jekai Education Minister Rakkam A. Sangma, 55-Salmanpara Constituency-ni MLA Ian Botham K. Sangma, Education Department-ni Advisor Himalaya Shangpliang aro gipin agipi dilgiparang bak ra·angaha.
Mongsonggipa sokgipa ong·e jinmana parake aganengon, skigiparangni mitelaniko mesokaniara namen katchaani ong·a maina dilgiparang aro official-rang an·tangtangni kamrangko ka·anina mitelpilskaaniko man·rongja ine a·dokni Skotong Minister Conrad K. Sangma parakataha. Uandake a·doko mingsa neng·batgipa aro ru·uta somoirangna kam ka·na nanggipa poraia-skianiko bilakatna a·dok sorkari krenge kamrangko ka·angkugen ine ua ku·chake on·angaha.
A·doko poraia-skianiko dakanio bang·a neng·nikanirangko man·enga aro uarangoni bang·bataan ru·uta bilsirangna ong·enggipa obostarang ong·a ine Skotong Minister janapaha.
“Poraia-skianiara pass percentage-ko namdapatanisan ong·aija – indiba songsarna dangdike on·gipa manderangko tarianiba ong·a,” ine ua an·tangni pagipa sagini una Meghalaya-ni gimin niksamsoanina dakchakaniko gisik ra·atpile aganaha.
Education-ara neng·batgipa department-rangoni mingsa ong·a – jeon da·alni kam ka·anirangni biteko ru·uta bilsirangni ja·mansa nikna man·a inenba – a·doko donggipa skigiparang aro chatro-chatrirang dolgninan namgniko on·gipa cholrangko ra·bana a·dok sorkari kam ka·anggen ine ua aganangaha.
Uandake a·dokko a·songo nambatgipa gadango donggipa biaprangoni damsa ong·e, poraia-skianiko mikkango done kam ka·na uni miksonganiko ua changsatai gisik ra·ataniko dakaha.
Education Minister Rakkam A. Sangma ia programme-ko namen gisik ra·na kragipa ong·a inenba deficit skulrangni skigiparangko uamangni ku·mong-nangrimanina aro chakchikanina mitele aganangaha. Skianiara “songsarko didianim ramako mesokani aro ra·doani” gimin ong·a inenba, deficit pattern-ni skigiparang dormaharangna neng·nikanirang donggenchimoba, nokdangrangko aro songsarko tang·doatna krenge kamrangko ka·giparang ong·a ine aganaha.
Ia tom·anio deficit skulni skigiparangni ru·uta bilsirangna dongenggipa neng·nikanirangni giminba janapanirangko dakaha aro association-ni dilgiparang ru·uta somoirangna uamangni dabianirang, jekai uamangni man·na nanggnirang aro one-time CRG paymentrang-ko bilsi 32-ni ja·mano chu·sokataha ine parakataha.
Na·simang iakoba nina man·gen:
Na·simang iakoba poraina man·gen: Assam-ni Darrang a·jao nokni sakgittam manderangni manggisiko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
