Shillong, Jan 26: India a·songni gipin biaprango gitan a·songni chang 77-gipa Republic Day-ko Sombar salo, Meghalaya a·dokni dingtang dingtang biaprangoba maniangaha.
A·songni chang 77-gipa Republic Day-ko a·dokni skotong Shillong songjinmao manianio, a·dokni Governor CH Vijayashankar, a·songni nisanko badalate on·angaha aro dingtang dingtang sipai dolrang, NCC-rang aro Scout-Guide-rangni march past ka·anioba salam ka·angaha.
Ia salko manianio a·dokni Governor, jinmana aganprakangengon, COVID-19 sajinmani ja·man, batanggimin bilsi gittamni gisepo Meghalaya a·dokni dal·roroani 10 percent ong·aha aro ia 2025 bilsini gisepo GSDP-ni tang·doani 9.66 percent ong·e, Meghalaya a·dokba, a·songo ta·rakbatsrange dal·roroenggipa a·dokrangoni damsa ong·aha ine parakataha.
Viksit Bharat-na niksamsoanio pangchake Meghalaya a·dok, 2032 bilsini gisepo economy-ko changgittam tang·doatna tarienga ineba ua aganaha.
Batanggimin bilsisani gisepo a·doko tom·tomanirangko nikna man·aha ine janapatengon, Assam-Meghalaya aro Indo-Bangla simarango sipai dolrang, bilaken nirok sandianirangko dakaha ine Governor aganaha.
Meghalaya sorkarini kamrangko janapangengon, Meghalaya Right to Public Service Act, Meghalaya One aro CM Connect gita dakgipa program-rangchi, manderangni neng·nikanirangko bang·en namatna man·aha ine Governor aganaha.
Rama jal·langrangni namroro silroroengani gimin janapangskaengon, songadam nokadamrango km 3,500 ramarangko tariaha, state road project-rangna crore 2,200 tangkarangko chamataha, sildoreng gita songre songgabataniko nambatatna kamrangko ka·chakataha aro Shillong-Silchar Greenfield Corridor-ko man·chape, mongsonggipa ramarangko tarina kamrangko a·bachengataha ine Governor parakataha.
Sanna banani, lekka porani, IT, tourism aro re·baenggipa 2027 bilsio a·doko sokachakna sienggipa chang 39-gipa National Games-ko man·chape a·doko kal·susaanirango tang·doenganikoba ia tom·anio Governor janapangaha.
Ia salko manianio a·dokni Governor, U Tirot Sing Award-ko Dr Kynpham Sing Nongkynrih-na, Pa Togan N Sangma Award-ko Father Benoy Joseph-na aro U Kiang Nangbah Award-ko Riiolang Dhar-na on·angaha.
Sohra-o tanggipa bol ja·dilni jal·langrangko taridilgipa Hally War-naba ia tom·anio Governor-ni jakchi Padma Shri Award-ko on·angaha.
Kamtangko name chu·sokatanina a·dokni DIG Jubi Gabil Momin-na President’s Medal-ko aro Commandant Bashanborlang J Laloo baksana Sub Inspector Babu Chow Sinha-na Police Medal-rangko ia manianio parakataha.
Na·simang iakoba nina man·gen:
Na·simang iakoba poraina man·gen: East Garo Hills-o silchidare, guli aro bomarangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
