Williamnagar, Jan 26: January 25 tarik pringwalo, East Garo Hills a·jani police-rang, Dura Bawegre song samba jolo donggipa buringrangoniko am·sandienba, silchidare, guli aro bomarangko bang·en man·aha.
East Garo Hills a·jani Superintendent of Police (SP)-ni u·iatani gitade, ia silchidarerangni bidingo koborko man·soani ja·man, SP, Additional SP, gipin police officer-rang aro East Garo Hills DEF-ni Special Operation Team (SOT), Robibar pringwalni 1:00 bajimangon, ia biapona re·ange, am·sandina a·bachengataha.
Ia buringoniko am·sandion, dam rakgipa silchidarerangko aro gopretna jakkalgipa bosturangko, a·ao dape donako man·aha. Ia silchidare, guli aro gopretani bosturangko Garo National Liberation Army (GNLA) aro United Liberation Front of Asom (ULFA) dolrangko man·chape dingtang dingtang bobil dolni manderang, dongnue donangahakon ine police-rang chanchichipenga.
Ia buringoniko police-rangni man·gipa bosturangara, AK-56 rifle pongsa, AK magazine ge·sa, pistol ponggittam baksana magazine ge·gni, a·songo tarigipa double barrel rifle, gopretna jakkalgipa bosturang, rong 99 AK 7.62 guli, gong 4 7.65 mm guli, electric detonator ge 50, ge 11 shotgun cartridge aro digital timer baksa chatgimin Improvised Explosive Device (IED) ong·a. Ia IED-ko ja·mano East Garo Hills Police-ni Bomb Squad, kimite galna man·aha.
Ia silchidarerangko man·ani ja·man Williamnagar Police Station-o mokordomako ka·aha.
Na·simang iakoba nina man·gen:
Na·simang iakoba poraina man·gen: Tripura-o CPI(M) aro Tipra Motha-ni manderang BJP-o napanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
