Shillong, Aug 21: Meghalaya a•doko drugs ba pekatgipa samrangko jakkalani aro palsrukanirang batroroengon, batanggimin bilsirango jekai a•doko bobil dake chakatgipa dolrangko bon•atna man•aha, apsan daken pekatgipa sam jakkalani aro badingsrukanikoba bon•atna man•gen ine a•dokni Social Welfare Minister Paul Lyngdoh, an•tangni ka•dongchakenganiko parakataha.
East Jaintia Hills a•jao gong crore 4 ong•gipa drugs-rangko rim•na man•anina Bristibar salo, Anti Narcotic Task Force (ANTF)-ni sipai sakchetna mande ra•pilskaaniko dakanio Lyngdoh, ia kattarangko aganaha.
Meghalaya a•doko gong crore 400-na batgipa drugs-rangko rim•na man•aniara drugs jakkalaniko aro badingsrukaniko champengna kam ka•anio a•dokni chu•sokgipa ong•aniko mesokani ong•enga ine janapatengon, ian Meghalaya a•doko sipai dolrangni bilko aro gisiko nange kam ka•aniko mesokani ong•engani gimin mikkangchi a•doko drugs jakkalaniko aro badingsrukaniko bon•atna man•gen ine Lyngdoh, an•tangni ka•dongchakenganiko parakataha.
Police-rangni kamo an•tangni ka•dongchakenganiko parakatskaengon, Meghalaya a•doko police-rang, army-rangni dakchakani grian bobil dake chakatgipa dolrangko bon•atna man•ahani gimin apsan daken pekatgipa samrangko warachakanioba chu•sokgipa ong•gen ine Social Welfare Minister aganaha.
Meghalaya a•doko songdongenggiparangoni 65 percent-de bilsi 35-ni gisepo ong•giparangsa ong•ani gimin chadamberang, pekatgipa samrangchi salangako man•jana gita chadamberangna dingtangmancha simsak nirokaniko on•na nangengani giminba Lyngdoh aganaha.
ANTF-ni nanganirangko chu•sokatna gita DREAM project-oniko ta•raken tangka paisarangko chame on•gen ineba Minister, ku•rachakaniko on•angaha.
Meghalaya a•doko drugs jakkalaniko warachakna gita sorkarini a•bachengatgipa Drug Reduction, Elimination, and Action Mission (DREAM) program-ni dingtang dingtang kamrangko talate on•angengon, ia program-ni ning•o home (police), social welfare, education, health aro law department-rangko man•chape dingtang dingtang department-rang nangrime kamko ka•enga ine Lyngdoh parakataha.
Meghalaya a•doko drugs jakkalani aro badingsrukaniko chu•gimik bon•atsrangna gita ANTF, rakbee kamrangko ka•angkugen ineba ua ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Jowai-o gari a•sel sakgni saknaa man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
