Shillong, Jun 23: Meghalaya a•doko ‘El Nino’ ba ong•rongbewalna bate mikkarang komibate wagnini bidingo mikraksamsoatanirangko man•ahani gimin Mongolbar salo, a•dokni Chief Minister Conrad K Sangma, Meghalaya Climate Council-ni tom•aniko Shillong songjinmani State Guest House-o ong•atangenba, a•dokna chi on•ani cholrangko, gama ge•anirangko aro manderangni janggi tanganiko chel•chakna gita ja•kurangko de•samsochina, pilak department-rangnan ge•etaniko on•angaha.
Ia tom•anio, Indian Meteorological Department (IMD), Meghalaya Basin Management Agency, Agriculture, Public Health Engineering (PHE) aro gipin department-rangni official-rangba bak ra•angaha.
Ru•uta somoirangna mikkarang wajanaba gnang ine mikraksamsoataniko man•ahani gimin dingtang dingtang department-ni official-rang baksa chanchirimangengon, re•baenggipa jadokoni ja 12-mangona kingking jakkalna man•na gita chiakolrangko ripinge rakkina, chi rakkiani gital cholrangko rikna aro chibisikrangko ripingna nangengani gimin Chief Minister aganangaha.
Ia tom•anio Agriculture department-ni kamrangko official-rang, talate on•angengon, pilak a•jarangon nanggitikan somoirangona kamrangko ka•soengaha aro bitchil satani kamrangkoba ong•rongbewal gitan ka•engaha ine aganaha.
Manderangna mikrakatanirangko on•na gita songni nokni dilgiparang, self help group-rang aro dingtang dingtang dolrang baksa nangrime, awareness program-rangko ong•atna miksongenga ineba Agriculture official-rang aganaha.
Ia tom•anio PHE department-ni kamrangko talate on•angskaengon, mikkarang wajani somoirango, manderangna chirangko on•na gita dingtang dingtang cholrangko tarisamsoengaha ine official-rang aganaha.
Food Civil Supplies Department-ni official-rangba ia tom•anio, an•tangtangni kamrangko talate on•angengon, cha•ani ringani chu•onggijaniko aro dam tang•doaniko chel•chakna gita merong aro mandena nangchongmotgipa ma•manti bosturangko da•onin chimonge donna a•bachengaha ine parakataha.
Kamrangko ka•samsoanio, an•tangtangni daitorangko name ma•sichina aro somoi gita ka•china a•dokni Chief Minister, dingtang dingtang department-rangko ge•etangaha.
Na·simang iakoba nina man·gen:
Na·simang iakoba poraina man·gen: PM Surya Ghar scheme-ni kamrangko CM nipilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
