Shillong, Jun 23: Mongolbar salo, Meghalaya a•dokni Chief Minister Conrad K Sangma, ma•mong sorkarini ra•gate on•gipa PM Surya Ghar: Free Electricity Scheme-ko Shillong songjinmani State Guest House-o nipilangenba, a•doko ong•telaigipa bilrangoniko man•enggipa bijoliko gipatna, mongsongbate nokkingrango solar panel-rangko chatani, battery-rangko rakkiani aro salni bilrangchi bijoliko man•na gita nambate cholrangko tarichina official-rangko ge•etangaha.
Ia PM Surya Ghar: Free Electricity Scheme-ara, seokako man•gipa nokdangrangna gong 78,000-ona kingking tangka paisani gita dakchakanirangko on•an baksana nokkingrango solar system ba salni biloniko bijoli on•na gita nokdang ge•antinan japrako unit 300 bijoliko indin on•na ma•mong sorkarini ra•gatgipa scheme ong•a.
Ia tom•anio official-rang, Chief Minister-na talatanirangko on•angengon, ia scheme-ni ning•o ma•mong sorkari subsidy-ko on•engoba, bosturangko salanio, ramarang ga•nangjanio aro bang•gija nokdangrangsan solar panel-rangko ra•enganio korosrang tang•doengani a•sel a•doko ia scheme-ko ra•giparang komikuenga ine parakataha.
Ia tom•anio a•dokni Chief Minister, solar project-rangko nipilangengon, ia scheme-ni namgnirangko bariatanichi, solar-rangko chatna manderang gisiko nangbatna gita cholrangko ra•china official-rangko didiangaha.
Skul-college-rango aro chadambe dolrangna u•iatani program-rangko ong•atanichi, sorkari building-rango, skulrango aro anganwadi centre-rango solar chataniko bariatna gita cholrangko sandichinaba Chief Minister didiangaha.
Meghalaya a•doko ong•telaigipa bilrangchi bijoli jakkalaniko bariatna gita awareness campaign-rangko ong•atna nambate action plan-ko tarina ba kamrangko chu•sokatanio chanchisamsoe ja•kurangko de•china gita official-rangko Chief Minister ge•etangaha.
Na·simang iakoba nina man·gen:
Na·simang iakoba poraina man·gen: SAI Computers-ni jako ra•enggipa biaprango bijolini kamrangko CM nipilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
