Shillong, Jun 23: Meghalaya Power Distribution Corporation Limited (MePDCL)-ni ning•o, SAI Computers company-ni jako ra•enggipa dingtang dingtang biaprango, bijoli on•ani, bill tariani aro manderangni neng•nikanirangko nipilna gita Mongolbar salo, Meghalaya a•dokni Chief Minister Conrad K Sangma, Shillong songjinmani Taraghar-o donggipa State Guest House-o tom•aniko ong•atangaha aro ia tom•anio, MeECL-ni Chairman aro Managing Director (CMD) Sanjay Goyal. MePDCL-ni dal•dalgipa officer-rang, SAI Computers-ni official-rang aro gipinrangba bak ra•angtokaha.
Ia tom•anio SAI Computers-ni official-rang, an•tangtangni jako ra•enggipa biaprango, bijoli on•ani kamrangko talate on•angengon, meter-rang bang•en kam ka•jaha, bijoli on•na jakkalenggipa nokrang gitchamtokaha, transformer-rang nosto ong•aha aro uandakgipa dingtang dingtang neng•nikanirangko uamang man•rikna nangahani a•sel kamrangko ka•anio ra•bianirangko chagrongna nangenga ine parakangaha.
Uamangni bijoli on•na bilko man•gipa bang•bata biaprangan Below Poverty Line (BPL) gadango ga•akgipa nokdangrangsa ong•a aro uamangni jako ra•chengani somoirango pakwate on•gipa bang•bata biaprangon meter-rang kam ka•tokjaha ineba SAI Computers-ni official-rang, Chief Minister-na talate on•angaha. Nosto ong•gipa meter-rangko teksrena gita kamrangko a•bachengengaha aro je biaprangon bijoliko name on•na man•jaenga, uandakgipa biaprango bijoliko nambate on•na uamang kamko ka•enga ineba official-rang, ku•rachakaniko on•angaha.
Bijolini bill-rang tang•doenganina aro bijoliko tik ong•e man•jaenganina manderangni bang•en badi ka•anirangko man•soengani gimin a•dokni Chief Minister, an•tangni suk ong•gijaniko parakatskaengon, manderangna chu•ongnikaniko on•na man•na gita kamrangko nambate dangdike on•anian mongsonggipa daito ong•na nanga ine Chief Minister aganaha.
Bijoliko on•anian manderangna dangdike on•anio mongsongbatgipa kamrangoni mingsa ong•a ine janapatengon, kajinarangko bate gamengoba bijoliko name man•jaenga ong•ode manderangni gisepo ding•chaoanirang ong•kattelaigen, uni gimin manderangni nangani kri kamrangko dangdike on•na nanga ine Chief Minister aganaha.
Bill-rangko tarianio kamrangko namdapatna skang, bijoli on•aniko nambatatna, transformer-rangko teksrena aro nokrangko taridapnasa skanggipa kamrangko ka•na nangenga ineba Sangma aganaha.
Kamrangko namdapatkujaskalde bijoli jakkalenggipa manderangna kajinarangko bariatkujachina SAI Computers-ko didiangengon, manderangde uamangni man•rikgipa neng•nikanirangkode ma•sipaja aro kamrangko nambate ka•chinasa nangnikaia ine Chief Minister aganaha.
Manderangni neng•nikanirangko namatna aro kamrangko namdapatna gita uamangni ka•enggipa kamrangni bidingo u•iatna dingtangmancha songni nokni dilgiparang, mondolini dilgiparang, NGO-rang aro bijolini kamrango bak ong•enggipa dolrang baksa tom•anirangko ong•atchinaba ua SAI Computers-ko didiangaha.
Ia tom•anio, MeECL-ni CMD Sanjay Goyal-ba aganprakengon, Revamped Distribution Sector Scheme (RDSS)-ni ning•o dingtang dingtang project-rangko ra•baengaha ine jinmana parakataha.
Na·simang iakoba nina man·gen:
Na·simang iakoba poraina man·gen: Laitlyngkot-o rama be•wakgipako Dy CM niea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
