Shillong, Feb 4: Budbar salo, World Cancer Day-ko maniani bak gita State Cancer Society, gnigipa Meghalaya Cancer Conclave-ko Shillong-o ong•atangaha aro ia tom•anio, a•dok gimikna HPV tesing program baksana Cancer Screeing App-ko a•bachengate on•angjolaha.
Ia tom•anio, a•dokni Health & Family Welfare Minister Wailadmiki Shylla, mongsonggipa sokgipa ong•e jinmana aganprakangengon, Meghalaya a•doko cancer saaniara manderangna an•seng baljokaniko on•anio mingsa kenbatsrangna nanggipa saani ong•enga ine parakataha. India a•songo bilsiantian million 1.56-mangni gita cancer-ko man•giparang donga ine janapatengon, Meghalaya a•dokoba, mongsongbate East Khasi Hills a•jao cancer-ko man•giparang batroroenga ine Shylla aganaha.
Cancer saani chinrang dongjagenchimoba an•tangtangko porikka ra•e nijringchina gitaba a•doko songdongenggipa manderangko Health Minister didiangaha.
A•doko ta•makku jakkalani aro chu ringani a•selan cancer-ko man•giparang batenga ine janapatengon, ja•manchake sanna bananiko ra•ani, songsalna kratcha•ani aro screening program-rango manderang bak ra•jaengani a•selan cancer saaniko sanna man•rongjabatenga ine Shylla parakataha.
Cancer-ko warachakna sorkarini ka•enggipa kamrangni bidingo janapatskaengon, Shillong aro Tura Civil Hospital-rango cancer-na indin sanna bananirangko on•enga ine Health Minister parakataha.
Ia program-o a•dokni Chief Minister Conrad K Sangma-ba video gita aganprakatengon, cancer saaniko seng•gnang ma•sina aro cancer saaniko nambate sanna banna man•na gita a•dokni budget-o sanna banani kamrangna 9 percent-mang ong•na sipile sorkari chamataha ine parakataha.
Ia tom•anio Health & Family Welfare Department-ni Principal Secretary Sampath Kumar-ba jinmana aganprakangengon, East Khasi Hills a•jao songdongenggipa lakprak me•asarangoni 227.9 cancer man•giparang donge, a•doko bang•batgipa ong•enga ine parakataha.
Na·simang iakoba nina man·gen:
Na·simang iakoba poraina man·gen: Manipur-o President’s Rule-ko ra•galata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
