Shillong, May 22: Chatro-chatrirangni mombatirangko so∙e porikkarangko seani noksarangko social media-o ong∙gija dake gipataha inenba, ia obostarangara balwa-mikka rakanichi bijoli siani a∙selsa ong∙aha ine Tura Government College (TGC) Sukrobar salo talate on∙angaha.
May 21 tariko namen balwa-mikka rakani ja∙mano nanggipa department-rang bijoli tarianirangko dakaha aro uandaken, college aro uni wilwilao donggipa jolrango bijoli watani tik ong∙jaha ine TGC-ni Principal IW Momin parakataha.
Gelna amgijagipa aro collegeni bilni nalsao ong∙gipa obostarangni a∙sel bijoli sokbaani minute 15-20-rang ja∙manchakaha. Ru∙uta somoirangna bijoli-ko teng∙ate donani gipin cholrang dongjani gimin, college-ni administration je chol dongako sandienba, mombatirangko on∙e chatro-chatrirangko porikka sena on∙aha ine Principal janapaha.
Uandake, bijoli sianichi neng∙nikanirangko man∙genchimoba chatro-chatrirangni namgnina aro porikkako dontonggija seangna chol on∙na inenba uamang ia ja∙kuko de∙aha ine Momin agandapaha.
Ia neng∙nikbegipa obostani somoio uamang baksa chakchikbee bakrimanina aro ma∙sichakanina college-ni administration chatro-chatrirangko, porikkao dongtimgipa skigiparangko aro nitimgiparangko mitele aganangaha.
Na·simang iakoba nina man·gen:
Na·simang iakoba poraina man·gen: M’laya a·dok sorkari student internship-rang gita “army of anti-drug ambassadors” -ko rikgen : DREAM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
