Shillong, May 22: Drug Reduction, Elimination & Action Mission (DREAM), Bosco Integrated Development Society (BIDS) baksa apsan nangrime chadamberangni dilanio Police Bazar aro Iew Mawlong-o anti-drug awareness program-ko a·bachengatenba, Sukrobar salo Nongmensong-o matchotatskaaha.
Ia campaign-ko ong·atanio, William Carey University-o intern dakenggipa sak 33 chatro chatrirang dakmesokani, git ring·ani aro chrokmesaaniko dake pekatgipa ringanirangko jakkalani namgijani gimin mikrakaniko on·angaha.
DREAM Director Francis Kharshiing, ia internship program-ko dal·bate dakatani miksonganiara, bang·bata chadamberangko ia pekatgipa ringanirangko jakkalani namgijani bidingo uamangni ripengska aro songsalo donggipa manderangna mikrakataniko on·anio dilgipa ong·na didianiko on·anian ong·a ine ua aganangaha.
Nongmensong-o ia campaign-ko ong·atanio, intern dakenggipa chatro chatrirang DREAM Calendar-o pangchake dakmesokaniko dakangaha. Ia DREAM-ni Calendar-oara QR Code-koba donaha jedakode nangani somoio manderang Rehabilitation Centre-rang aro dakchakani number-rangko altuae man·a gita amgen.
Kharshiing, ia ja·ku de·aniara pekgipa ringani ranta ong·giminrangni wilwilao kratchagokaniko komiatna dakchakan baksana senggnang sana banani aro dakchakaniko ra·na nokdangni manderangko bil gnangbatata ine aganangaha.
Ia program-ko ong·atanichi chatro chatrirangni dilgipa ong·ani, agan-golpogrikanio changa sapani aro pekatgipa ringani grigipa songsalko ra·doanio ka·donganiko ra·bana dakchaka ineba ua agandapangkuaha.
Dal·begipa “anti-drug ambassador” dolko tarina gita re·baenggipa jarango ua bang·bata intern-rangko ra·dapgen jedakode uamang namgipa kattarangko gipate, an·tangtangni songsalo pekatgipa ringanirangko bon·atna dakchakaniko on·gen ine Mission Director u·iatangaha.Samuel Sangma, Hub News-na aganangeon, indakgipa program-rangara chatro chatrirangna uamangni changa sapaniko aro u•ia ma•sianiko mesokna ba apalbatatna dakchaka ine ua agananagenba mikkangchiba East Garo Hills a•jani chatro chatrirangna indakgipa exibitionrangko ong•atna ua dakchakangkugen ine ua aganaha.
Na·simang iakoba nina man·gen:
Na·simang iakoba poraina man·gen: Loyola Secondary School, Science Exhibition-ko ong•atanaga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
