Williamnagar, May 22: East Garo Hills a•jao ge•sa mingsing mingnamgipa Loyola Secondary School, Sukrobar salo “Creativity, Curiosity and Innovation” ine katta bichong-ko don·e Science Exhibition-ko ong•atangaha.
Ia exhibition-ona jolini MLA aro Cabinet Minister Marcuise N. Marak, Additional Deputy Commissioner aro Williamnagar Municipal Board-ni CEO Ripamchi Sangma, District Science Supervisor aro Sub-Divisional School Education-ni Officer Samuel Sangma, Loyola College-ni Principal Fr. Atikho Stephen baksana skigiparang, dingtang dingtang skul-rangoni chatro chatrirang aro exhibition-ko nina re•bagipa ma•a parang bak ra•anagaha.
Skul-ni pricipal Fr. Victor Dmello, rimchaksoani kattarangko jinmana aganangeon, ia exibition-ko chatro chatriranagna uamangni chanchianirangko bimanang pilatna aro uamangni changa sapaniko mesokna gita cholrangko on•na, pora skie ra•anio orto gnangipa ong•atnagita miksonge ong•ataha ine agnangenba gipin skurangonikoba ia exibition-o bak ra•e skie ra•chinagita okamataha ine ua agandapangaha. Principal-ni agananigitade, indakgipa program-rangko ong•ataniara chatro chatrirangna lekka oniko porae ma•sian baksana uamangni u•iani ma•sianiko apalbatatna gita dakchakani ong•gen ine agnanagaha.
Mongsonggipa ong•e sokgipa, Marcuise N. Marak, tom•anio jinmana aganprakangeon, school-ni authority aro skigiparangko ia indakgipa program-rangko ong•atanina de•mitelangaha mongsongbate ia Science Exhibition-o bak ra•anggipa chatro chatrirangko ua de•mitelangaha.
Uanbksana, skie ra•anirangko dakon pangchakna man•giparagonikosa ra•china agnangenba da•ororo bang•a chadamberang , social media trends, ong•gija koborrangchi salako ba bingbagatanirangko man•engani gimin simsakchina aro mikrakataniko on•angaha.
Unbaksana Minsiter Chatro chatrirangko nama bewalrangko jarikchina jekai, lekkarangko poraijringchina, am•sandianirangko dakchina, bebe ong•ama ong•ja name sandie nichina aro social media trend-rango mesokgiparangko beberajachina indiba ka•dongna man•gipa source-rangoniko poraichina gita ua didiangenba Meghalaya a•dokni Chief Minister- Conrad K Sangmani dilanio Meghalaya a•dokni sorkari mission 10-ni gita chadamberangna, uamangni changa sapaniko jakkale an•tangtangan kamrangko bikotgiparang ong•na dakchakanirangko on•enga, ine Minister aganangenba Chatro chatrirangna didianirangko on•angeon, Artificial Intelligence (AI), robotics, renewable energy, digital technology, aro scientific innovation-rangara re•baenggipa salrangna tarina dakchakenga indiba Meghalaya a•dokara, young innovator, scientist, engineer, entrepreneur-rang aro bilakgipa songsalko rikna gita dilgiparangkosa nanga ine ua agananagaha.
Na·simang iakoba nina man·gen:
Na·simang iakoba poraina man·gen: M’laya-ni skotong minister Tura songjinmao kror 150-na batani project-rangna pangchakani ro∙ongranko songe on∙anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
