Shillong, Aug 29: National People’s Party (NPP)-ni dilgipa aro Urban baksana Municipal Department-ko jako ra·enggipa a·dokni dakchakgipa skotong minister Pa Sniawbhalang Dhar, Bharatiya Janata Party (BJP)-ni MLA gitcham Pa Himalaya M Shangpliang, re·baenggipa MP eleksino susana miksongesa NPP dolo napena am·enga ine Mongolbar salo parakangaha.

MDA-II sorkarini ning·o da·o Education Department-ni agan-ku·pattitimgipa ba advisor-na seokako man·gipa Pa HM Shangpliang, re·baenggipa MP eleksino Shillong seat-o susaangna gita saffron party, chong·motan BJP doloni ong·katenba NPP dolo napeskana gita am·engani bidingo koborrangko knasona gita man·aha.

Indake ong·engon, Meghalaya Pradesh Congress Committee (MPCC)-ni Padot Pa Vincent Pala-ni NPP dolo napena am·ani gimin koborrang jangbingbangengani giminde Pa Sniawbhalang, ia koborrangko kakket ong·ja ine talatangenba, Pa Pala da·omitingde Congress dolni MP ong·engani gimin NPP dolo napeani gimin uni gisiko chanchianirang dongkujawa ine aganangaha.

Re·baenggipa MP eleksino, Tura-ni da·o MP ong·enggipa Ma Agatha Sangma-kon NPP dol susaatpiltaina nangnikengani giminba NPP-ni dilgipa parakatjolaha.

Iakoba poraie nina man·gen: Golmalko ka·ani gisepon, democracy-ko naljokatchina warachakgipa memborrang, Manipur Assembly-o ku·rangko on·anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub