Shillong, Aug 26: Meghalaya Public Service Commission (MPSC)-ni recruitment ba kamna ra•ani bewalrango kamrangko nambatatna aro parak ong•batatna gita miksonge Meghalaya Public Service Commission Reforms Committee (MPSCRC-ni report-ko Mongolbar salo, a•dokni Cabinet ra•chakangaha.
Ia report-ko committee-ni dilgipa aro a•dokni Principal Secretary FR Kharkongor, Cabinet-na on•angaha.
Ia report-ko man•soani bidingo kobor ra•timgiparangna u•iatengon, MPSC-ni gita kamrangna interview-rangko ra•anio parak ong•ani dongna man•na gita CCTV-rangko aro video ka•e ra•ani kolrangko donchina gita Cabinet ku•pattianiko on•ataha ine a•dokni Chief Minister Conrad K Sangma parakataha.
MPSCRC-ni Cabinet-na on•anggipa report-ni gimin talataniko on•angskaengon, MPSC-ni kamna ra•ani bewalrangko namdapatna gita ia committee, dingtang dingtang cholrangko ku•pattie on•aha ine Chief Minister parakataha.
MPSC-ni kamna ra•ani bewalrangko taridape a•bachengahaode dingtangatna man•ani dongjawaha ine janapatengon, MPSC-o tangka paisa jakkalsretani ba uandakgipa kamrangni bidingo badi ka•anirang donggenchimode Meghalaya Lokayukta Act 2014-ni ning•o dingtangmancha somoiko dongen ine Chief Minister parakataha.
Na·simang iakoba nina man·gen:
Na·simang iakoba poraina man·gen: ADC damgittamna sub-committee-rangko songgen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
