Shillong, Oct 7: September 1 tariko Supreme Court-ni u·iatani gita, pilak kamo dongenggipa skigiparang kamtangtangko ka·angkuna Teacher Eligibility Test-ko (TET) see chu·sokna nanggen ine parakatgiminni kosako, Meghalaya Sarva Shiksha Abhiyan Schools Association (MSSASA) ru·utgija salrangni gisepo Supreme Court-o badi ka·anggen ine parakataha.
Sombar salo Malki ground-o association-ni general body-ni tom·aniko dake ia rai-ko ra·aha.
Niam-ko u·i-ma·sigiparangni agan-ku·pattianio pangchake, ia niam-ara ru·uta bilsirangna ka·enggipa, neng·takani somoi ong·nasienggipa skigiparangna nama ong·ja inenba iani bidingo badi ka·gen ine MSSASA-ni president Aristotle Rymbai kobor ra·timgiparangna parakataha.
Supreme Court-ni niam-ara 2010 National Council for Teacher Education-ni (NCTE) u·iatgimino aro Right to Education (RTE) Act-ko 2017 bilsi taridapgiminrango pangchake dakani ong·a ine Rymbai talate on·angaha.
Indake ong·genchimoba, adita somoirangna skang August 23, 2010-na skang kamo rakkigimin skigiparangkode a·dokni TET (MTET)-ko sena nangjawa ine Education Department parakatahachim, indiba Supreme Court iako ra·gattaienga.
Ia niamko ra·gatanichi Meghalaya-o donggipa ak 43,102mang skigiparangoni sak 10,000-oni 15,000 skigiparang neng·nikanirangko man·naba gnang.
MSSASA-ni aganani gitade, ma·mongni TET (CTET) aro Meghalaya TET (MTET) apsangrik ong·a, aro CTET-ko see chu·sokgiminrang a·dokni porikkako setaina nangjawa.
Na·simang iakoba nina man·gen:
Na·simang iakoba poraina man·gen: Tura Community Science College-ni ong•atenggipa National Conclave-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
