Shillong, Dec 14: Meghalaya politics-o, gitcham Skotong Minister aro TMC-ni dilgipa Dr. Mukul Sangma-ni, bilo ong·enggipa National People’s Party (NPP) dolo napnaba donga ine kattarangko knasoengon, ian tol·e jangbinganisan ong·aia ine a·gipibatgipa NPP-ni dilgipa iako raken jegalataha.
NPP dolni u·iatani gitade, da·o dipet uamangni party aro Dr. Mukul Sangma-ni gisepgriko officially maming agan-grikanirang dongja baksana dolgnionin maming politics-ni gita ja·ku de·ani bidingoba kobor ra·grikanirang dongkuja ineba janapataha. Indake ong·engon, ua gipin party-ni dilgiparang baksa an·tang golpogrikanirangkode dakengnaba donga indiba uni NPP-o napani bidingode mamingba janapani dongkujaenga ineba u·iatangaha. Iani gisepon, saoba party-o napna sikgenchimoba darangkon uamang nokchakaigen ineba u·iatangkuaha.
Social Media-o Dr. Mukul M Sangma, NPP dolo napna mangsongenga ine u·iatanichi Garo Hills Autonomous District Council (GHADC)-ni election ong·na siengon ia jangbinganirang giproroangaha. Indake ong·engon, ian chanchipe agananisan ong·aia maina Dr. Sangma ba NPP-ni dilgiparangba iako kakket ine agankujaenga.
Politics-ni bidingo u·i-ma·sigiparangni aganani gitade ian ong·nagipa ba ong·janagipa ong·a, maina Meghalaya a·doko TMC dol, bang·a dilgiparangni watgalangani a·sel bilgriroroangengaha. Ru·utgija somoirangna skang mangmangsan Dr. Mukul M Sangma-ni jonggipa aro MLA gitcham Zenith Sangma, Congress dolona napangaha.
Indake ong·engon, Dr. Mukul Sangma aro NPP-ni padot Conrad K Sangma sakgnian Garo Hills-ni bil gnanggipa dilgiparang ong·a aro Skotong Minister-ni biapna uamangni bobil ong·grikanirangko nikna man·ronga. Politics-o jeba ong·na man·genchimoba, haida iani a·selan uamang apsan party-o donge kam ka·anio neng·nikanirangko man·aba donga.
NPP dolni gita da·o dipetde Dr. Mukul Sangma-ni NPP dolo napna am·enga ine agananiara jangbinganisan ong·aia ine u·iatangkuaha.
Na·simang iakoba nina man·gen:
Na·simang iakoba poraina man·gen: Nokrek Heights School-ni annual day-ko doka-dam·achi, chrok-mesaachi aro dakmesokachi manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
