Shillong, Feb 11: Muster Roll Labour Union-ni Joint Action Committee, salanti hajira kam ka·giparangna namgnirangko on·gipa Labour Code 2025-ko ra·gatna ja·ku de·gijani bidingo Meghalaya sorkarini kosako an·tangtangni duk ong·ani aro ka·onanganiko parakataha.
“November 2025 dipetonin, Meghalaya sorkari a·doko labour code-ko ra·gatna mamung u·iataniko on·kugijani nike chinga aiao inmana,” ine Joint Action Committee-ni (JAC) Chairman K Pariat Budbar salo kobor ra·timgiparangna parakataha.
“Labour code-ni bidingo chinga sandie niaha aro unon a·dokni niamrangko tarienga ine labour department chingna parakataha indiba jadokrang batangani ja·manoba uamang iako ra·gatna man·kuja. Ian namen dukni ong·a maina muster roll worker-rang salantian kamrangko ka·enga indiba labour department aro Meghalaya sorkari iani bidingo dal·e ra·jaenga,” ine ua aganangaha.
India sorkarini on·gimin Labour Code 2025, muster roll ka·giparangna dingtang dingtang namgnirangko jekai pension, employee provident fund aro social security-rangko on·a. Indake ong·genchimoba, union-oni changni changa memoranda-ko on·atani ja·manoba Meghalaya sorkari uko ra·gatkuja.
Sorkarini ja·ku de·gijani a·selo, muster roll ka·giparang uamangni nangchongmotgipa bosturangni damrang rakani gimin janggi tanganio neng·nikanirangko man·enga ine Pariat talatangaha.
Uandake, Employee Provident Fund-ko (EPF) ra·gatgijani, aro India sorkarini nangchongmotgipa bosturango GST-ko komiatani ja·manoba consumer index price-ni bidingo mamung u·iataniko on·kugijani giminba union-ni manderang janapangaha.
“Do·chi rongsako gong Rs 10 daka, aro daal kg-prako gong Rs 100, ian gipin a·dokrangona bate dam rakbata,” ine Pariat aganangaha.
“A·dokni Skotong Minister Conrad K Sangma an·tangan agangrikanirangko dakna chingko okamataha, indiba da·ona kingking mamung ja·kuko de·gijaniara chinga muster roll worker-rangna namen dukniko on·a,” ine Pariat parakataha.
Na·simang iakoba nina man·gen:
Na·simang iakoba poraina man·gen: USTM-ni faculty member Agronomy-o Young Scientist Award-ko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
