23.8 C
Tura
spot_img

Nagaland a•doko AFSPA jadokna ra•dodapata

Must read

Kohima, Dec 30: Nagaland a•dokko ‘so•sojengjeng’ ong•kuenggipa biap ine ma•mong sorkari parakatenba, ia a•doko Armed Forces Special Powers Act (AFSPA)-ko jadokna ra•dodapttaiaha. Ia bilsini June 30 tarikosan Nagaland a•dokko ‘so•sojengjeng ong•gipa biap’ ine ma•mongni Home Ministry parakahachim ine nikna man•a.

Indake ong•engon, Nagaland a•dokni bang•bata biaprangon so•sojengjeng ong•anirangko aro kenchakna nanganirangko nikna man•engkua aro ia a•doko district administration-ko dakchake on•na gita army-rangko nangkuenga ine ma•mong sorkari nikahani gimin ia a•doko AFSPA-ko da•o jadokna ra•dodapattaiaha ine Budbar salo Home Ministry-oni u•iataha.

“Uni gimin Armed Forces (Special Powers) Act, 1958 (No. 28 of 1958)-ni Section 3-ni on•gimin bilrango pangchake December 30 tarikoni jadokna Nagaland a•dok gimikkon ‘so•sojengjeng ong•gipa biap’ ine ma•mong sorkari parakattaiaha,” ine Budbar salo, Home Ministry-oni parakataha.

Ia AFSPA 1958-ara, so•sojengjeng ong•gipa biaprango manderangko nirokna gita Indian Armed Force-rangna bilko on•e Indian Parliament-ni ra•gatgipa niam ong•achim ine nikna man•a.

spot_img

More articles

spot_img
-->

Latest article