Dimapur, July 20: Nagaland-ni Cockroach Janata Party (CJP), Dimapur-o tom·tom jegalaniko dakangaha jeon dingtang dingtang skulrang aro college-rangoni chatro chatrirang bakko ra·angtokaha. Uamang Union Education Minister Dharmendra Pradhan-ko, NEET porikkani question paper-rangko leak ka·ani ba porikkana skangan question paper-rangko giproroatanina kamtangko watchina dabianiko dakangaha.
Khekhuga Muru, jegalaniko dakmiting somoio, chatro chatrirang sorkari-oniko daito-ko ra·china dabina bil donga inenba, mikkang nitea grigipa education system-ko ra·bachina ua didianiko dakangaha. Iani gisepon, changni chang question paper-rangni leak ong·aniara lakh-ni lakh chatro chatrirangni mikkangchi janggi tanganiko nosto ka·an baksana uamangna gisikni gita sinjetanikoba on·a ineba jegalgipa manderang u·iatangaha.
Una agreba, uamang donua gri, mikkang nitea gri aro cha·bokani grigipa porikka seani niamrangko ja·rikchinaba dabianiko dakangaha.
Chatro chatrirangna chakpaaniko on·a gita skigiparang, skia man·gipa manderang aro dingtang dingtang dolni member-rangba ia jegalanio bak ra·angpaaha. Changsatai uamang, Dharmendra Pradhan-ko kam watchina dabian baksana India a·songni pora bida aro porikka ra·ani niamrangko nambatatchinaba dabianiko dakangtaiaha.
Na·simang iakoba nina man·gen:
Na·simang iakoba poraina man·gen: Sonam Wangchuk-na chakpaaniko on•e Shillong-o jinma tom•chimonga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
