Shillong, Jul 21: India a•songni dingtang dingtang biaprango rikenggipa Meghalaya House-ni kamrangko nipilna gita Mongolbar salo, a•dokni Chief Minister Conrad K Sangma, General Administration Department (GAD) Minister aro department-ni dingtang dingtang official-rang baksa internet gita tom•aniko ong•atangaha.
Ia tom•anio a•dokni Chief Minister, a•songni dingtang dingtang biaprango gital rikenggipa aro taridapenggipa Meghalaya House-ni kamrangko nipilangaha.
Delhi, Noida, Mumbai, Bengaluru, Vellore aro Kolkata-o rikenggipa project-rangko nipilangengon, nokrangko name aro somoi gita matchotatna nangengani gimin Chief Minister chanchirimdilangaha.
Meghalaya a•dokni manderang, gipin a•dokrangona songre songgabatangani somoirango, nangani kri jakkalna man•na gita Meghalaya House-rangko taridapna nangengani giminba Chief Minister aganaha.
Chatro chatrirang, sanna bananirangko ra•na re•angenggipa manderang, sorkari official-rang aro a•dokni gipin manderangna nambate dangdike on•na man•na gita a•songni dingtang dingtang biaprango donggipa Meghalaya House-rangko nambate chalaiani giminba ia tom•anio Chief Minister chanchirimdilangaha.
A•songni dingtang dingtang biaprango gital rikenggipa aro taridapenggipa Meghalaya House-rangko dongimin somoi gita matchotatna kamrangko nambate nirokjringchinaba ua, Department-ko ge•etangaha.
Na·simang iakoba nina man·gen:
Na·simang iakoba poraina man·gen: Sikkim-o a·a ning·a gita tarienggipa ramao a·a ruanio sak 10 kam ka·giparang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
