Phek, Jul 5: Nagaland a·doko Tsupfume, Razeba, Zelome aro Zhavame songrangko man·chapgipa Phek a·jani Razeba Range-o ge·gipa kobirangko palna man·jae sogoptokengani a·sel game ge·e cha·gipa manderang noksan ong·atako man·tokenghani gimin game ge·e man·gipa bosturangko palanio dakchake on·china gita game ge·e cha·gipa manderang, sorkariko didiataha.
Koborko on·ani gitade, Razeba Range-ni ia song dambrian, Phek, Kohima, Dimapur aro Manipur a·doknaba me·surangko sokate on·enggipa songrang ong·achim indiba da·o ia songrango ge·gipa kobirangko palgopna gita man·jae, kobirang sogoptokenga aro game ge·e cha·giparang, noksan ong·na nangtokenga.
Pangna bilsio gitan ia bilsioba ia song dambrio, kobirangko bang·en ge·e man·taiahachim indiba ia kobirangko palna sim·na gita bazar antirang baksa maming tik ka·giminrang dongjani a·sel, ia kobirangko bazar antirangona sokatna man·jaenga.
Game ge·e cha·gipa manderangni parakani gitade, uamang an·tangtangni game ge·e man·gipa bosturangko bazar antirangona ra·angna gita korosrang amsokpaja aro bosturangko breskae, bazar antirangna ra·angenggipa manderangba, uamangni korosna baten damrangko on·chepenga aro bosturangko brena gita jechaktokenga. Razeba jolrango, game ge·e man·gipa bosturangko soatgija rakkina (cold storage) ba maming kolrang dongjani a·sel da·o ia songrango game ge·e man·gipa kobirang sogoptokengaha aro game ge·e cha·gipa manderang namen noksan ong·atako man·skaengaha.
Indake ong·engon, game ge·e cha·giparangni iandake noksan ong·atako man·na nangengani gimin bang·a manderangan Nagaland sorkariko matnangtokaha aro bilsiantian Nagaland sorkari, game ge·e cha·giparangna dingtang dingtang program aro scheme-rangko ra·gate on·enga ine a·kangengoba game ge·e cha·giparang maming namgnirangkon man·jaenga ine matnangattokaha.
Bazar antirango dam tang·onon sorkarioni breskaanirang dongjani gimin aro game ge·e cha·giparangna Minimum Support Price (MSP)-ko ra·gate on·anirang dongkujaengani giminba Nagaland sorkariko matnangtokaha.
Ia jolrango game ge·e man·gipa bosturangko soatgija rakkiani kolrangko ra·gate on·kujaengani gimin, game ge·e man·gipa bosturangko bazar antirangona sokatanio korosrang tang·doengani gimin, game ge·e man·gipa bosturang sogopengoba Agriculture aro Horticulture department-oni maming dakchakanirangko on·jaengani gimin aro Farmer Producer Organisation (FPO)-rangna maming dakchakanirangko on·jaengani giminba Nagaland sorkariko matnangtokaha.
Game ge·e man·gipa bosturangoni bangki dongkuenggipa bosturangko palna sim·na gita ta·raken dakchakaniko on·china, Razeba Range-o me·surangko soatgija rakkina Cold Storage aro Collection Centre-ko kulina gita ia bilsini budget-o tangka paisarangko chamchina, FPO-rangna pilak nanga dakchakanirangko on·china, aka tetani somoirango ramarangko tarie on·china aro rama korosrangko on·china aro mikkangchi game ge·e cha·giparangni noksan ong·aoniko chel·chakna gita Crop Insurance & Input Subsidy-ko ra·gate on·china gitaba Razeba Range-o game ge·e cha·enggipa manderang aro jolo songdongenggipa manderang sorkario dabiangtokaha.
Na·simang iakoba nina man·gen:
Na·simang iakoba poraina man·gen: M’laya a·dok National Kickboxing Day-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
