New Delhi, Jul 5: Robibar salo, Meghalaya a·dokni Chief Minister Conrad K Sangma, Union Home Minister Amit Shah-ko New Delhi-o grongeaha aro Chief Minister baksana Meghalaya a·doko donggipa dingtang dingtang mondolini dilgiparangba dongpaaha.

Union Home Minister-ko grongeanio a·dokni Chief Minister baksa Presbyterian Church of India (PCI)-ni Moderator Rev HL Myrsing, PCI-ni ning·o donggipa FCRA Sub-Committee-ni Chairman Rev SC Diengngan, North East India Christian Council (NEICC)-ni General Secretary Dr Meyu Changkiri, Shillong Archdiocese-ni Administrator Fr Teiboklang Kharbani, Garo Baptist Convention-ni Youth Director Durasal R Marak aro gipin dilgiparangba dongpaaha.

Union Home Minister-ko gronganio a·dokni Chief Minister aro dingtang dingtang mondolini dilgiparang, Foreign Contribution (Regulation) Act (FCRA)-ni niamrangko taridapna miksongenggipani bidingo aro maikai ia niamrangko taridapanichi, Meghalaya a·doko dingtang dingtang mondolirangni chalaienggipa institute-rangna nangchakeaniko ra·bagen, uarangni gimin agangrikangaha. Meghalaya a·doko, mongsongbate songadam nokadamrango, dingtang dingtang mondolirang, skul, college aro hospital-rangko chalaian baksana songsalni namgnina kamrangko ka·engani gimin maikai FCRA-ko taridapanichi, iandakgipa institute-rangna nangchakeaniko ra·bagen, uarangni bidingo a·dokni Chief Minister, dingtang dingtang mondolini dilgiparang baksa Union Home Minister baksa agangrikangaha.

Meghalaya a·doko maikai toromni institute-rangko chalaianichi, songsalo aro lekka porao dingtanganiko ra·bana man·enga, uarangni bidingo a·dokni Chief Minister, Union Home Minister-na agan-talate on·angenba, FCRA-ko taridapanio, a·doko nangchakegipa kamrangkoba niatchina mol·molangaha.

Iandakgipa institute-rangni kamrangko ka·anio maming champengani gri kamrangko ka·angkuna man·na gita cholrangko on·angkuchinaba Sangma, ma·mong sorkariko didiangaha.

Na·simang iakoba nina man·gen: 

Na·simang iakoba poraina man·gen: Nagaland-ni Razeba jolrango kobirang sogope game ge·e cha·giparang noksan ong·enga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub