Kohima Mar 25: National Democratic Alliance (NDA)-o apsan bakrimenggipa dolrang ong•e, re•baenggipa April 19 tariko ong•atna sienggipa Lok Sabha election-na Nagaland a•dokni Chief Minister Neiphiu Rio-chi dilenggipa Nationalist Democratic Progressive Party (NDPP)-ni candidate-na National People’s Party (NPP) chakpaaniko on•na parakataha.
NDA-ko dilenggipa dol ong•e Bharatiya Janata Party (BJP)-ba Nagaland a•dokni Kohima Parliamentary seat aro Meghalaya a•dokni Shillong aro Tura Parliamentary seat-rango susagija, ia seat-rango Nagaland a•dokni NDPP aro NPP-na chakpaanirangko on•skaengachim.
Apsan daken, NPP-ba Nagaland a•dokni parliamentary constituency-o susagija da•o NDPP-na chakpaaniko on•skaengaha.
Sombar pringo NPP-ni national president aro Meghalaya a•dokni Chief Minister Conrad K Sangma, Nagaland a•dokona re•angenba, Nagaland-ni CM aro NDPP-ni dilgipa Neiphiu Rio-ko grongeaha aro NDPP-na chakpaaniko on•eaha.
Nagaland a•dokni skotong Kohima songjinmao kobor ra•timgipa manderang baksa agangrikengon, Nagaland a•doko NPP-ni state committee baksa ua tom•e chanchirimangenba, Kohima Parliamentary seat-o susagija, NDA-o apsan bakrimenggipa NDPP-na chakpaaniko on•skana tik ka•angaha ine Conrad K Sangma parakataha.
NDA-o bakrimenggipa pilak dolrangan ia Lok Sabha election-o dolsa dolgipinna chakpaanirangko on•grikenga ineba ua aganaha.
NDA-o bakrimenggipa dolrang, Meghalaya a•doko NPP-na, Arunchal Pradesh-o BJP-na, outer Manipur-o NPF-na Nagaland a•doko NDPP-na chakpaaniko on•grikenga ineba Sangma aganaha.
Batanggimin chang Nagaland Assembly election-ko ong•atanio NPP-ni sakbonga candidate-rangba seokako man•e da•o sakbonga MLA-rang dongachim ine nikna man•a.
Na·simang ia video-koba nina man·gen:
Na·simang iakoba poraina man·gen: Assam-o Holika Dahan-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
