Dimapur, Nov 18: Re·baenggipa Hornbill Festival 2025-o Air India Express-an pilak songre-songgabatanirangko dakanio bakrime dakchakaniko on·anggen ine Nagaland sorkari parakatangaha.
Hornbill festival-ara Nagaland-o manderangni namen nichaksogipa maniani ong·a aro Naga manderangni dakbewalrang aro niam-retirangko ma·sie ra·na India-ni pilak biaponi manderangan ia manianiona re·baronga.
Air India baksa bakrimaniko Gurugram-o, airline-ni headquarter-o Nagaland-ni skotong minister-ni Advisor aro Investment & Development Authority of Nagaland (IDAN) Abu Metha, aro Air India Express-ni Managing Director Aloke Singh Sombar salo parakataha.
Ia bakrimanichi a·dokni dal·batgipa manianio manderangni songreanio nambata cholrangko on·gen ine ka·dongsoenga.
Nagaland-ni skotong minister Neiphiu Rio ia bakrimanina an·tangni kusi ong·aniko parakataha aro indake dakanichi songre-songgabataniko nambatatgen, gipin biaponi re·bagipa manderangna dakchakaniko on·gen aro a·gilsakni manderangna Nagaland a·dokni dakbewalrang aro janggi tangani bewalrangko mesokna dakchakgen ine aganangaha.
“Ia bakrimaniara a·songko rikanina an·ching pilakni niksamsoaniko bilakbatata, aro tourism-na, jatsa jatgipinni gimin u·ie ra·anin aro janggi tangani gadangrangko nambatatna bang·bata cholrangko on·a,” ine Rio aganangaha.
Uandake November 20 aro December 15-ona Dimapur-ona joljol aro changsa dongdipe bilanganirangko dakna November 20-oni 30-ona gisepo ticket-rangko bregenchimode promo code HORNBILL-ko jakkale 15% komibate man·gen ineba Air India Express parakatangaha.
Ia airline-an manianiko bak ra·enggipa dolrang aro manianiko ong·atgiparangko songrebana dakchakgen aro manderangko rimchaksona Simpaur Airport-o Hornbill Experience Kiosk-ko donsogen.
“Hornbill Festival Nagaland a·dokni ma·manti dakbewalrang aro changa-sapanirangko mesoka. Chingni ‘Tales of India’ initiative-chi chinga ma·ambioni ong·bagipa daka-rikani bewalrangko mesokna aro songreanio nika-nianirangko nambatatna miksonge kam ka·enga,” ine Air India-ni Managing Director Aloke Singh aganangaha.
Hornbill Festival-ara Nagaland-ni Kisama minggipa songo bilsianti December 1-oni 10 tarikona maniani ong·a. Ia manianiara Nagaland-ni pilak jatrangni dakbewalrangko mesoka aro iani a·selan uko Manianirangko Maniani ineba minga.
Na·simang iakoba nina man·gen:
Na·simang iakoba poraina man·gen: PA Sangma Sports Complex-o a•songni nisanko CM songe on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
