Guwahati, Sep 1: A·doko Central University ge·sa mangmang donggipa Nagaland University, Directorate of School Education baksa a·doko ming 18 ku·agangiparangna grammar seani mongsonggipa project-ko a·bachengataha. Ia grammar lekkarangko National Education Policy (NEP) 2020-ko ja·rike klas 5-oni klas 10-ona skulni ki·tap dake ra·anggen.
Ia project-ko Associate Professor aro Tenyidie Department-ni Dr. Mimi Kevichusa Ezung dilanio a·bachengataha. Grammar ian namako ra·baani, jatni mikkim rasongko rakkiani aro jatni u·i ma·sianiko ripinge rakkina gita nangchongmotgipa ong·a ineba ua aganangaha. Nagaland University-ni Vice
Chancellor Prof. Jagadish K Patnaik, ia project-ko Naga manderangni ku·agananirangko ripinge rakkian baksana ra·doani “Cultural Mission” ingipa project ong·a ine aganangskaaha.
Ia project-o bang·a dingtang dingtang dolrang apsan kamrangko ka·enga. Language Literature Boards, iano ku·aganani niamrangko apsangrik ong·atna, gital kattarangko tarina aro textbook ba ki·taprangko name nianiko dakna dakchakaniko on·enga aro State Centre of Naga Languages (SCNL), klas 1-oni klas 10-ona ki·taprang tarianiko dakskaenga. Indake, SCERT aro NBSE ia grammar-ko official school curriculum-o man·chapataniko dakangskagen.
Bang·a manderangan ia project-ko namnike ra·chakniko dakangaha aro Liangmai Literature Board-ni Mr. Kaitunchap (Joshua) Newmai, jatni dakbewal rikbewalrangko naljoke rakkianina ia project namen gamchatbegipa ong·a ine aganaha. Commissioner and Secretary of School Education & SCERT Ms. Kevileno Angami, ia project-ara chatro chatrirangni a·bachenge skie ra·anio dakchakaniko on·gen inenba ua University-ni grammar workshop-ko ong·atanina de·mitelaniko dakangaha.
Ia project-o man·chapgipa ming 18 ku·agananirangara : Ao, Chang, Chokri, Khiamniungan, Konyak, Kuki, Kuzhale (Khezha), Liangmai, Lotha, Nthenyi (Southern Rengma), Nzonkhwe (Northern Rengma), Phom, Pochury, Sangtam, Sümi, Tenyidie (Angami), Yimkhiung, and Zeme ong·a. Da·o dipet klas 8 poraia matchota jaman bang·gija ku·agananirang jekai Tenyidie, Ao, Lotha aro Sumi ku·sikrangkosan skianiko dakengkua. Ia project-o uamang ming 18 ku·agananirangko chu·bata poraiani gadangrang baksana skulrang aro jatni dakbewal rikbewalrangko ripinge rakkianio bak man·atpana miksongenga.
Na·simang iakoba nina man·gen:
Na·simang iakoba poraina man·gen: PM Modi ma•gipani kosako matnangani ja•man BJP aro Congress dolrang jegrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
