Itanagar, Dec 1: Namdapha National Park and Tiger Reserve (NNP & TR) Authority, uni bakrimenggipa dolrang aro songdonggipa manderang baksa nangrime Khachang songo salgittamna Namdapha Butterfly Festival-ko ong·ate, a·doko donggipa ma·manti sam-bolrang aro do·o-matrangko mande ra·ani aro uarangko ripinganirangko bilakbatatna krenganiko dakangaha.
India-ni dingtang dingtang biaprang jekai Madhaya Pradesh, Maharashtra, West Bengal, aro Assam-oni manderang aro me·piliprangni gimin u·ina gisik nanggipa manderang ia manianiona re·bae bak ra·angaha. Bang·a chadambe dolrang jekai Khachang-Maithingpum Youth Forum, New Yumchum Youuth Association, Miao Singpho Ramma Hpung aro gipin dolrang jekai New Age Learning Centre, Kendriya Vidyalaya Miao, NERIST (Forestry Department, Rajiv Gandshi University (Zoology Department), Mizora University, ATREE, Nature Care Foster, Nature Mates aro Wildlife Institute of India (WII) ia manianio bak ra·angaha. Ua jolo donggipa SHG-rang aro homestay-rang a·palchini re·bagipa manderangko sokachakaha.
Ia manianiona Principal Chief Conservator of Forests (PCCF) N. Tam, mongsonggipa sokgipa ong·e re·baaha, aro unbaksana Changlang a·jani Deputy Commissioner Vishal Sah, Millo Tasser aro Kachang, New Yumchum, aro Maithungpung songrangni Gaon Burah-rangba re·baaha. Uamangni re·bae bak ra·anichi pilakni bakrimani gamchatani aro Eastern Himalaya-o donggipa burung-bolgrimrang aro do·o-matrangko ripingna songdonggipa manderangni bak ra·ani gamchataniko mesokangaha.
Skanggipa salo Singpho, Longchang aro Tikhak jatrangni chrok-mesaanirangko dake jatni dakbewal aro ripingani gamchatani gisepo nangrimaniko mesokangaha.
Salgittamni gisepo, bak ra·giparang manianio dingtang dingtang ong·atanirango bak ra·angaha jekai me·pilip bang·gipa biaprang gita rama re·e roramani, ong·telaigipa samtangtango pangchake kal·anirangko kal·ani, ong·telaigipa samtangtangoniko dingtang dingtang bosturangko tariani aro ua jolo songdonggipa manderangna tarigimin presentation-rangko mesokani. Ia session-rangko me·piliprangni dongchakram aro uarangko ripingani bidingo talatanirangko dakaha. Uandake, gimanasienggipa rokomsa me·pilip, White-bellied Heron-ni gimin janape, chiring-chibisikrango uarangni gamchatani gimin aganangaha. Session gipino, Mishmi jatrangni Mishmi Takin-ko ripinge rakkianio pangchake songni-nokni manderangni dilanichi, chasongni chasongna aganritingbaanirangko jakkale ripinganirangko dakani gimin talatangaha.
Ia ge·gittam session-rangko Dr. Sarika Baidya (Nature Mate), Yumlam Benjamin Bida (ATREE), Gaurav P. J. (WII) aro Aditya Das (Kamlang Tiger Reserve) dakdilangaha.
Me·piliprangni ong·katani kari da·o matchotangengmiting ong·genchimoba, bak ra·giparag rokom 126 me·piliprangko nike uarangni gimin see rakkina man·aha aro ian Namdapha-o donggipa ma·manti rokomrangni me·piliprangni gimin bang·a u·ianirangko on·aha.
Uandake ripinganiko dilenggipa dolrang, scientific institution-rang aro songo-noko donggipa manderangni gisepo bakrimani gamchatani gimin gisik ra·attaianiko dake Namdapha Butterfly Festival matchotangaha. Ia manianiko ong·atanichi janggi gnanggiparangni dongchakramni gimin u·ianiko bariataha aro India-o ia janggi gnanggiparangni gamchatbatgipa dongramrangoni damsao manderangni on·kange ripingna bakrimanirangko bilakbatataha.
NNP aro TR Authority pilak bakrimgipa dolrang, bak ra·giparang aro Khachang aro uni songsulrangni manderangko mitele aganangaha. Ia manianiko chu·soke dakanichi Arunachal Pradesh-o donggipa Eastern Himalayas-ni sam-bolrang aro do·o-matrangko ru·uta bilsirangna, songni manderangni dilanirangchi ripingangkuna ja·ku de·aniko mesoka.
Na·simang iakoba nina man·gen:
Na·simang iakoba poraina man·gen: Marwet jolo niam gri a•a cho•enga ine ARMPF badi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
