Nongpoh, Dec 1: Marwet jolrango niam gri a•arangko cho•enga ine All Raid Marwet People Federation (ARMPF) matnangatenba, iani bidingo Ri Bhoi a•jani Deputy Commissioner-na seachi badi ka•doangaha.
ARMPF-ni u•iatani gitade, Marwet jolrango niam gri a•a cho•aniko champengatchina gita uamang, Byrnihat-ni 12 Mile-o donggipa Forest Department-ni Range Officer-naba badi ka•doangahachim indiba ia jolrango niam gri a•a cho•enggiparangko forest official-rang, champengna gisik nangjahani gimin da•o Ri Bhoi a•jani Deputy Commissioner-na badi ka•doangskaaha.
Marwet jolrango donggipa a•brirang, chiringrang aro buringrangoniko niam gri a•arangko cho•engani a•selan, ia jolrango songdongenggipa manderangni ringna aro pilak kamrangna jakkalpaenggipa chiring chibisikrang moila ong•atako man•enga ine ARMPF-ni president Rink Sohpdang aro secretary Komol Shakwa matnangataha.
Ia jolrango niam gri a•arangko cho•engani a•selan wachini somoirango Assam a•dokonaba man•angenga aro iana Assam sorkari, Meghalaya a•dok gimikkosa matnangskaengaha ineba ARMPF parakataha.
Iani bidingo Ri Bhoi a•jani Deputy Commissioner Abhilash Baranwal-o sing•sandiskaon, Marwet jolrango niam gri a•a cho•engani gimin ARMPF-ni membor-rang, una badi ka•doangaha aro ua iani bidingo uni kosako donggipa official-rangna aro Forest department-na u•iatskagen ine ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Sakbri me·chik bi·sarangko til·ekdrana jotton ka·anina private tuition ra·gipa teacher-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
