Guwahati, July 16: Ministry of Development of North Eastern Region (MDoNER)-ni ning·o kam ka·enggipa North Eastern Handicrafts and Handlooms Development Corporation (NEHHDC), Thailand-ni chugipa gadangni dolrangko Guwahati-ni Garchuk-o donggipa Craft Promotion and Experience Centre-o sokachaksoaha. Ia re·baani miksonganiara, India aro Thailand a·song maikai creative economy-o ba jaktangchi tariani kamrango, ba·ra dokanirango aro jatni bewalo chalaienggipa karkanarango apsan kam ka·na man·gen uni gimin chanchirimaniko dakna miksonganio ong·a.
Thailand-ni Ministry of Foreign Affairs-ni Minister, Mr. Kiran Moongtin-ni dilanio, Thailand-ni Creative Economy Agency (CEA)-ni official-rang, New Delhi-o donggipa Royal Thai Embassy-ni member-rang baksana dingtang dingtang kamni a·barang jekai tourism, sana banani, jatni dakbewal rikbewal aro pora bida-ni a·bao kam sapbegipa dolrangba re·bapaaha.
Uamangni re·baani mingsa gamchatbegipa namgniara, NEHHDC aro Thailand-ni Creative Economy Agency (CEA)-ni apsan nangrime Joint Action Plan (JAP)-ko dakna ku·monggrikanian ong·aha. Iano ming 10 mongsonggipa kamni a·barang jekai jakchi sol·na repna changgiparang an·tangtangni changa sapaniko dolsa dolgipinna skie on·ani, gital bosturangko tarina apsan kam ka·ani, green certify ka·ako man·ani, bosturangko sima ari badee online bosturangko palani, Intellectual Property Rights (IPR)-ni gita design aro chanchibewalanirangko naljoke rakkiani baksana gipin nangchongmotgipa japang kattarangna gisikko on·batanggen.
NEHHDC-ni Managing Director, Shri Mara Kocho (IES), ia project-ara jatni dakbewal rikbewalrang aro dingtang chanchibewalanichi India-ni Salgro Salaram-o donggipa a·dokrangko Southeast Asia-o donggipa a·songrang baksa nangrimatna dakchakaniko on·gen ine ua janapataha. Uasan ong·aigija, ua NEHHDC-ni chu·sokanirang jekai (OEKO-TEX) International-ni gita certify ka·ako man·pilgimin namgipa gadangni Eri Silk Mill dongani, sorkarini namnike ra·chakako man·gimin textile testing lab baksana National Agency-rang jekai DC Handloom, MSME aro NSIC-ni dakchakaniko man·enggipa jakchi sol·na repna changgiparang baksa kam ka·engani giminba ua janapangkuaha.
Bihu dance ba Assamese jatni chrokanichi Thai-oni re·bagipa manderangko rimchaksoaha. Uamang NEHHDC-ni Handloom Unit, Centre of Excellence aro Artisan Museum-onaba re·angaha, jeon uamang India-ni Salgro Salaram jolo jaktangchi tarigipa dingtang dingtang nitobegipa bosturangko nikna aro skie ra·na cholko man·aha.
India aro Thailand a·song, pangkamgipa namroro silroroanina, jolo songdonggipa manderangna dakchakani aro mikkang nitea gri sakantinan dal·rorona cholko on·a on·kange kamko ka·na miksonganiko parakataha. Dingtang chanchibewalani a·bao, jatni dakbewal rikbewalrang aro ma·gitcham pagitchamrangni changa sapaniko jakkale maikai a·songrang apsan nangrime kamko ka·na man·achim, uko gipin a·songrangna mesokna ian nambegipa dakmesokani ong·gen ine uamang ka·dongsoenga.
Na·simang iakoba nina man·gen:
Na·simang iakoba poraina man·gen: Sekdrae ra·anina aro ka·mikkenatanina sakgni manderangko Rajabala-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
