Shillong, Nov 28: Sukrobar salo, North Eastern Hills University (NEHU) IIC Regional Meet 2025-ko ong·atangaha jeonan Salgro Salaram-ni a·dokrangoni sak 500-na baten manderang bak ra·na re·baaha. Ia salgimikna ong·atgipa programme-ko NEHU Campus-ni Multi-Convetion Hall-o ong·atchakaha aro iako Ministry of Education-ni Innovation Cell (MIC) aro All India Council for Technical Education-ni (AICTE) ning·ao ong·atangaha.
Ia tom·bimonganio chakkirangko so·e a·bachengaha aro Regional Meet-ni SPOC Prof. Dinesh Bhatia a·bachengani kattarangko aganangaha. Tom·bimonganiko dakdilanggipa rimchaksoani kattarangko aganangaha aro School of Technology-ni Dean, Prof I. Hussain-ba bang·gija kattarangko aganangaha.
Tholua Pratishthan-ni CEO Triailukya Dutta aro AICTE-ni Director Kunaljeet Singh-ba adita kattarangko jinmana parake aganangaha. Meghalaya Basin Management Agency-ni Executive Director aro PRIME Hub-ni MD, Saloni Verma, IAS, mongsonggipa sokgipa ong·e re·baaha aro a·doko songdonggipa manderangni dingtang dingtang dakbewalrangko bilakbatatna nangani bidingo talatangaha. Regional Meet-ni Convenor, Dr, S.P. Pati mitelpilani kattarangko aganangenba, uni ja·mano National Anthem-ko ring·e aro jinma jachipchange de·e tom·aniko matchotataha.
Dingtangmancha central inaugural session-ko pringni 11 bajio a·songni ge 26 host institution-rang baksa video conference ka·e ong·atangaha. Iano AICTE-ni Innovation Cell-ni Assistant Innovation Director Prof. T. G. Sitharam, a·bachengani kattarangko aganangaha. Dingtang dingtang host institution-rang jekai NEHU, innovation programme-rangko ra·e kam ka·anio an·tangtangni chagronggipa obostarangni gimin kan·dike aganangaha.
Salgimikni bako, bak ra·giparang dingtang skie ra·grikani session-rang, Innovation Ambassador-rangna Training of Trainers odule-rang aro ecosystem partner-rangni masterclass-rango bak ra·angaha. Sakprakprakna mentoring aro pitching session-rangko ong·atangaha. Dingtangmancha “Swadesh Udyami Bazaar”-koba ong·atangaha, jeon “Vocal for Local” ine pangchakani ning·ao joltango tarigimin bosturangko mesokangaha.
Uandake, attamni bako bon·kame tom·bimonganiko ong·atangaha jeon a·bachengani kattarangko Dr. Sukti Majaw aganangaha. Ia tom·anio SoTM, USTM-ni Dean, Prof. Amit Choudhary; MIT University, Shillong-ni Pro-Vice Chancellor Prof. Debmalaya Bhattacharya; aro NEHU-ni Registrar Prof. S.K. Dixit jinmana adita agananirangko dakangaha. School of Design Thinking, Chennai-ni Dr, Ramakrishnan R dingtangmanchagipa chanchianirangko dakna ranta ka·anirangni gimin aganangaha aro mongsonggipa sokgipa ong·e re·bagipa Dr. Laxmi Rao, a·dokni namroro-silroroanio bading-chiwalanirangko a·bachengatani namgnirangni gimin talatangaha.
Boksisrang aro certificate-rangko sualatna skang bak ra·giparang ia programme-ni bidingo an·tangtangni chanchianirangko parakangaha. Prof. Bhatia bon·kame agananirangko dakenba, programme namen matchotangaha.
IIC Regional Meet Salgro Salaram a·dokrang dingtang dingtang changa-sapanirangko bang·batatna aro cholrangko bilakbatatna, uandake chatro-chatrirang, researcher-rang, start-uprang aro skigiparangko damsan bakrimna dakchakna miksonge kam ka·enga.
Na·simang iakoba nina man·gen:
Na·simang iakoba poraina man·gen: Pekgipa bosturangko aro samrangko jakkalani bidingo IPC Nagaland-o mongsonggipa MoU minggittamrangko IPC soi ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
