35.6 C
Tura

New Delhi-o M’laya Pineapple Festival-ko a•bachengata

Must read

New Delhi, Aug 18: Meghalaya a•dokni cha•tobegipa aro chi•begipa anarosrangko a•songni manderangna mesokna gita Meghalaya Pineapple Festival-ko Sukrobar sal dipet New Delhi-ni Dilli Haat-o a•bachengataha aro ia festival-ko a•bachengatanio Rural Development & Panchayati Raj-ni Union Minister Giriraj Singh, mongsonggipa sokgipa ong•e bakko ra•angaha.

Ia festival-ko a•bachengatanio Meghalaya a•dokni Chief Minister Conrad K Sangma, a•dokni Agriculture Minister Ampareen Lyngdoh, Tourism Minister Paul Lyngdoh aro Meghalaya sorkarini dingtang dingtang officer-rangba dongpae bak ra•angaha.

New Delhi-o M’laya Pineapple Festival-ko a•bachengata

Ia Meghalaya Pineapple Festival-ko a•bachengatanio Rural Development & Panchayati Raj-ni Union Minister Giriraj Singh, jinmana aganprakangengon, ia festival-ko ong•atengani gimin Meghalaya sorkariko mittelpilangenba, ian gama ge•anio pangkamgipa daka rikaniko ra•dona aro game ge•e cha•enggipa manderangni janggi tanganiko tang•doatna namgipa ja•ku de•ani ong•enga ine parakataha.

Iandakgipa program-rangko ong•ataniara a•songo donggipa dingtang dingtang a•dokrangni gisepo gama ge•ani kamrangko skie ra•grikna aro pilakni namgninan uarangko dake nina cholrangko on•ani gita ong•a ineba Singh aganaha.

New Delhi-o M’laya Pineapple Festival-ko a•bachengata

Meghalaya a•dokni anarosrang cha•tobegipa ong•ani gimin namen mingsing minggamaniko man•engaha ine janapatengon, ian ia cha•tobegipa biteko mesokna cholko on•anisan ong•jaenga indiba game ge•e cha•giparangni on•kangani aro rakbee kam ka•aniko mesokaniba ong•enga ine Union Minister parakataha.

New Delhi-o M’laya Pineapple Festival-ko a•bachengata

Ia festival-ko a•bachengatanio Meghalaya a•dokni Chief Minister Conrad K Sangma-ba jinmana aganprakangengon, ia program-ko ong•ataniara Meghalaya a•dokni daka rikani, ge•a gamani aro ku•cholsan ong•aniko mesokna re•mikkanganio mingsa chu•sokgipa ong•aniko mesokani ong•enga ine parakataha.

New Delhi-o M’laya Pineapple Festival-ko a•bachengata

Meghalaya a•dokni anarosrangara a•gilsako cha•tobatsranggipa anarosrang ong•a ine janapatengon, ia cha•toaniko mesokna program-ko ong•atanian Meghalaya a•doko dingtang dingtang jatrangni meli nangrime janggi tanganiko, gama ge•anio dingtanganiko aro manderangni ku•cholsan ong•aniko mesokaniba ong•enga ine Chief Minister parakataha.

Advertisement
Advertisement

Iakoba poraie nina man·gen: South East Asian a•songrang baksa bading chiwalgrikani cholko sandina M’laya CM tom•e chanchirima

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article