Shillong, Jan 24: New Shillong Township (NST)-ona dakanggipa rama dilgittam, chong•motan gong crore 49-ni Bellafonte-NST, gong crore 55-ni Diengpasoh Road-Shillong Bypass aro gong crore 27.49-ni Bribah Mawpat-NST ramarangko tarina gita Budbar salo, Meghalaya a•dokni Chief Minister Conrad K Sangma baksana a•dokni Deputy Chief Minister aro PWD (Roads) Minister Prestone Tynsong pangchakaniko songe on•angaha.
Ia pangchakaniko songna gita dingtangmancha tom•aniko Shillong songjinmani Hotel Vivanta-o ong•atangaha aro ia tom•anio a•dokni Chief Minister, tom•anio bak ra•giparangna aganprakangengon, batanggimin bilsirango Shillong songjinmani dal•roroan baksana ramarang apchangketanichi bang•a neng•nikanirangko chagrongna nangengachim indiba da•alo NST-ona dakanggipa ia rama dilgittamko tarina pangchakaniko songanichi, Shillong songjinmao apchangket ong•aniko namatna niksamsoaniko chu•sokatna ja•ku de•chakataha ine parakataha.
Ia gital Shillong songjinmakosan nambate tarina krengaigija, da•o ong•enggipa Shillong songjinmaoba manderang dongtona man•na gita namdapatna nangenga ineba ua aganaha.
NST-o rikna sienggipa gital Secretariat-ni gimin janapatengon, ia gital secretariat-na da•o design ba noksarangko salengaha aro ia kamko uamang March jani gisepon matchotna ka•dongengani gimin ia gital secretariat-ko October jaonide rikna a•bachengnaba dongaha ine Chief Minister parakataha.
Ia bilsini gisepon dingtang dingtang project-rangko a•bachengatna siengahani gimin Shillong songjinmao pangnaba nikkugijagipa dingtanganiko nikna siengaha ineba Chief Minister parakataha.
Ia tom•anio a•dokni Deputy CM Prestone Tynsong-ba jinmana aganprakengon, an•tangtangni songdongchakenggipa biaprangko namdapatna gita sorkari, pilak nanga dakchakanirangko Rangbah Shnong-rangna dakchake on•gen ine ku•rachakaniko on•angaha.
Iakoba poraie nina man·gen: Lok Sabha election-ni ja•man Rahul Gandhi-ko rim•gen: Assam CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
