Shillong, Jan 24: Budhbar salo, North Eastern Indira Gandhi Regional Institute of Health & Medical Sciences (NEIGRIHMS) Hospital-o sanna bananiko dakenggiparangni name nirok simsakaniko dakjani a•selo, bilsi 23 ong•gipa chadambe saksani janggiko gimaatna nangao ga•akaha.
Ia sianggipa chadambeni saani biatiko nokdangni manderangna u•iatgija, operation-ko ka•ahani gimin, hospitalko chalaienggipa authority-rangni kosako namnikgijaniko nokdangni manderang parakataha.
Indake, ia nokdangni manderangni aganani gitade, saenggipa mandeni bibiko maiba neng•nikani donga inenba NEIGRIHMS-ni Authority-rang, ia mandeko operation ka•ahachim.
Uni jamano, nokdangni manderangna u•iatgija, ia saenggipa mandeko ICU kutturiona jitataskaahachim. Iani gisepon, January jani 17 tarikrangoni uamang, doctor saksakoba grongna gita man•kujachim, indiba January 22 tarikosa grongna man•aha inenba uamang janapataha. Indake ong•engon, January jani 23 tarik attamni 9 bajimango, ia bilsi 23 ong•kuenggipa chadambe siaha ine hospitalni authority-rang, nokdangni manderangna parakataha ine uamang aganangaha.
Ia saenggipa mandeni, rang•sitanio neng•nikaniko man•enga ine agangenchimoba, sanna bananiko dakenggipa dolrang name nirok simsakjaha inenba nokdangni manderang matnangataha. Unbaksana, ICU kutturio donengmitingo, hospitalni authority-rang aro sanna bananiko dakenggipa dolrangni simsak nirokgijaniko, saenggipa mande an•tangan siangna skang pilakkon tale lekkao see donangaha aro siani jamanoba, maming saani biatiko u•ita grigipa death certificate-kosa chingna on•ataha ineba uamang aganaha.
Indake, gisiko saknaa aro ding•chaoa gnang, ia a•selni gimin talataniko on•china gita hospitalni dal•bata gadango chalaienggiparangko grongna am•on, hospitalni cholgugao nitimenggipa, uamangko napangna gita on•jaha.
Iakoba poraie nina man·gen: Mizoram-o Myanmar sipairangni sildoreng ga·ake tong·gni daka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
