Williamnagar, April 29: All A·chik Empowerment Organisation (AAEO), North Garo Hills-o birth certificate-rangko man·a ru·uta somoirangko nangenga ine u·iataha. NGH-ni Deputy Commissioner-na AAEO-ni seatgipa chittio, biaprang jekai Dainadubi-o donggipa manderangde iandakgipa nangchongmotgipa lekka pancharangko man·a ja 6 ba bilsi 1-rang sengna nangenga aro iani a·selan poraienggipa chatro chatrirang school-o admission ra·anio, MBOSE registration ka·anio, Aadhaar-o bimung segatanio aro gipin kamrango neng·nikanirangko man·enga ine u·iatan baksana Meghalaya Right to Public Services Act, 2020-ni ning·o ia nangchongmotgipa lekka pancharangko sal 14-ni gisepon on·a nangachim ineba janapataha.
Uamangni aganani gitade office-o staff-rang chu·ongjani a·selan birth certificate-rangko on·anio ru·utatako man·enga aro iano middlemen ba jangchio donge kam ka·giparang skang re·bagipako nigija mikkang nitee ja·man re·bagiparangna tarie on·engakon ine u·iataha jean manderangko mikkang nitee kam ka·anina jajrengataniko ra·baaha. Ia neng·nikanirangko nike uamang kamrangko ta·rakatchina, donua gri kamrangko ka·china, jean skang re·baa una skanggipa kamko ka·e on·china aro ia neng·nikanirangko namatna ta·rake kamrangko ka·chinaba authority-rangko didiataha.
Na·simang iakoba nina man·gen:
Na·simang iakoba poraina man·gen: Jorhat auction centre-ko chipanichi Assam-o cha tarigipa karkanarang neng∙nikanirangko man∙a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
