Resubelpara, Oct 12: Sonibar walo, North Garo Hills a·jani Bajengdoba police station ning·o donggipa Berubari samba jolo, motorcycle bolsa a·sel ong·e, cha·ugimin bosturangko aro jaktangchi tarigipa silchidarerangko man·ani ja·man, dakait dake ra·rongenggipa mande sakgniko police-rang rim·na man·aha.
Police-rangni u·iatani gitade, rim·ako man·gipa mande sakgniara, South West Garo Hills a·jao donggipa Salmanpara songoni Walchang K Sangma aro East Garo Hills a·jani Rongjeng jolo donggipa Gabil Bisa songoni Mikselbirth Sangma ba Niksengbirth ong·a. Ia manderangni cha·uanggipa ML-07B 7072 motorcycle, National Highway 51 ramao donggipa bol pangsao chagake a·sel ong·ani ja·man police-rang, ia mande sakgniko rim·na man·aha.
Ua somoio motorcycle a·sel ong·ani giminsa songni manderang, ia mande sakgniko jokatna ua biapona re·angahachim indiba a·sel ong·gipa biapo, silchidarerangko aro uamangni jolonggao chanchichipna kragipa bosturangko nikahani gimin police-rangna u·iataha. Police-rang sokbana skangan ia manderangko songni manderang, jinma dokgrimsoaha aro ja·mano police-rang sokbae, u amangko aro uamangni bosturangko rim·angaha.
Ia manderangni ra·bitgipa jolonggaoniko police-rang, bolchi tarigipa silchidarerang, mobile phone ge bonga, kukri, ba·ra kancharang aro gipin bosturangkoba man·aha.
Ia mande sakgniko porikka ra·e nina hospital-ona rimangon, uamang chu pekesa motorcycle a·sel ong·aha ine ma·sina man·aha.
A·sel ong·anichi aro manderangni jako doka man·e uamang sakgnian adita mata bu·anirangkoba man·aha.
Ia manderangni gimin police-rang, talbate am·sandianirangko dakon, Walchang-kode Ampati-o me·chikrangni kosako ong·gija dakanina police-rang rim·e, bilsisnina judicial custocy-o donaha aro Miksengbirth-koba Ampati police station-o, mande rim·srukanio jak donganina rim·aha ine ma·sina man·aha.
Police-rangni aganani gitade, uamang sakgni Tura District Jail-osa gronggrikenba, jail-oni jokani ja·man, manderangoniko dakait dake ra·na tik ka·grikaha. Uamang sakgniko police-rang sing·sandion, uamang bus garioniko mobile phone ge·gittamko aro October-ni 10 tariko, East Garo Hills a·jani Rongmil-oniko motorcycle cha·uaha ine uamang police-rangna ku·rachakaha. Ia bosturangko uamang, Assam-ona ra·ange palna miksongengachim.
Uamangoni saksa Walchang-ni ku·rachakani gitade, ua bolni silchidare ponggniko, Tura-ni RC Road-o donggipa uni ambitangni noko an·tangan jakchi tariaha aro ia silchidarerangchi uamang, manderangoniko dakait dake ra·na miksongengachim.
Na·simang iakoba nina man·gen:
Na·simang iakoba poraina man·gen: A·dokni LDO-rangko bilakatchina JSU sorkariko mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
