Williamnagar, Dec 12: NHM Employees Association of Meghalaya-ni (NEAM) chang 5-gipa Annual General Meeting-ko (AGM) December 12 tariko Williamnagar District Auditorium-o ong·atangaha aro a·dokni dingtang dingtang biaprangoni NHM-o kam ka·gipa manderang re·bae bak ra·angaha.
NEAM-ni President Dr. Kalseng D. Momin rimchaksoani kattarangko agane dingtang dingtang a·jarangoni re·bae gisik nange bak ra·egipa pilak memberrangko mitelangaha.
Williamnagar Municipality Board-ni Chairman, Benedict K. Sangma mongsonggipa sokgipa ong·e re·baaha. Jinmana parake aganatengon ua local MLA aro Cabinet Minister Marcuise N. Marak-ni palo pilakna nama skaniko on·angaha.
Uandake ua dingtang dingtang chu·sokanirangko man·anina association-ko mitelangaha aro an·seng-baljokaniko bilakbatatna kam ka·anina NHM-o kam ka·giparangni on·gilanirangkoba janapangaha. Bang·a neng·nikanirangko man·genchimoba, uamang dondikgija aro on·kanganiko mesoke kam ka·aniko mesokangaha ine ua aganangaha.
NHM-o kam ka·giparangni neng·takgija jotton ka·anichi a·doko bang·akon signioniko jokatna man·aha aro ma·giparang aro bi·sarangni an·seng-baljokani namdapaha ine ua talataha. Uandake ua Meghalaya-ni manderangna on·kange kam ka·anina ua NHM-ni manderangko gisik ka·tong gimikchi mitelangaha.
NHM-ni memberrang dingtang dingtang git ring·anirang aro chrok-mesaanirangkoba dake ia tom·bimonganiko an·saoataha. Unbaksana, NEAM-ni Calendar 2026-koba mongsonggipa sokgipa Benedict K. Sangma oprake on·angaha.
Na·simang iakoba nina man·gen:
Na·simang iakoba poraina man·gen: Pa Togan Nengminja Sangma-ni janggi tanganiko nambate segatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
