Guwahati, Dec 12: Sukrobar salo, mingsinggipa git ring·gipa Zubeen Garg-ni siani bidingo am·sandigipa Special Investigation Tea (SIT) charge sheet-ko kacharina on·aha. Ia jak 3,500 donggipa lekkako Guwahati-ni Chief Judicial Magistrate-ni kachario FIR No. 18/2025-ni ning·o segataha.
Ia charge sheet-ko SIT-ni dilgipa SDGP Munna Prasad Gupta aro officer-rang Moromi Medhi aro Nab Dekai-ni mikkango Rosy Kalita-ni jakchi on·angaha. Ia chimonge segimin lekkao adita jarangna ning·tue am·sandie man·anirangko talataha.
SIT-ni manderang kachariona sokbaon, ritchani ritcha Zubeen sagiko namnikgipa manderang a·palo tom·dake dongaha. Social media-rango “Justice for Zubeen” campaign-ko namen ka·angkuenga aro uni siani bidingo dos dakgiparangko aro donnuani gri kakketko dabianirangko dakangkuenga.
Zubeen sagini rang·gitik siani bidingo am·sandianirangko dakanio sak 300-na baten manderangko sing·doanirangko dakaha ine SIT-ni official-rang parakataha. Da·ona kingking saksni manderangko rim·aha, aro uamangara – manianiko ong·atgipa Shyamkanu Mahanta, manager Siddharth Sharma, git ring·gipa Amritprabha Mahanta, dokgipa-dam·gipa Shekhar Jyoti Goswami, Zubeen sagini jonggipa nanggipa Sandipan Garg (DSP) aro PSO-rang – Paresh Baishya aro Nandeshwar Bora ong·enga. Uamang pilakkon da·o patoko donenga.
Charge sheet-ko on·anichi Zubeen-ni siani bidingo kachario rai-rangko ra·anirango gital chanchianirangko nakatatgen, aro uandaken Zubeen sagini siani bidingo kakketko u·ina dakchakgen ine SIT-ni chief Munna Prasad Gupta aganangaha.
Na·simang iakoba nina man·gen:
Na·simang iakoba poraina man·gen: NHM Employees Association-ni chang 5-gipa Annual General Meeting-ko Williamnagar-o ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
