25 C
Tura
spot_img

Niam gri matchu salangenggipa gariko M’laya-o rim•a

Must read

Tura, Dec 4: Meghalaya a•dokni East Jaintia Hills a•jao donggipa Sonapur jolo, niam gri matchu salangenggipa truck gari bolsako Border Security Force (BSF) sipai dolni 97th Battalion, rim•rikna man•aha ine kobor on•aha.

Kobor on•timgiparangni u•iatani gitade, matchu badingsrukenggipa manderang, AS-01LC 1816 truck gario, matchu mang 30-ko gipin biapona salangengachim aro ian Prevention of Cruelty to Animals Act-ni ning•o dongimin niamrangko pe•ani gita ong•engachim.

East Jaintia Hills a•jani Sonapur jolo BSF dolni sipairang, nirok sandianirangko dakengmiting somoio ia gariko rim•sona man•aha aro ja•mano ia garini driver-koba rim•aha ine u•iataha.

Batanggimin somoirangoba iandake Meghalaya a•dokni matchurangko niam gri Bangladesh aro gipin a•dokrangona palsrukatanirangko bang•en rim•na man•engahachim ine nikna man•a.

spot_img

More articles

spot_img
-->

Latest article