Shillong, June 3: Sak 27-na bate Khasi Hills Autonomous District Council-o (KHADC) kam ka·giparangko June 1 tarikoni dipet kam-o rakkikamaoniko ra·gale casual employee dake ka·skachina ine Voice of the People Party-ni (VPP) dilenggipa executive comitteeni (EC) secretary May 30 tariko hukumko on·aha.
Ian niamni a·palo ong·a ine neng·nikanio ga·akenggipa KHADC-o kam ka·giparang jegale, on·gimin hukumko ra·galchina Mongolbar salo KHADCni chief executive member S Rynjah-ko gronge dabiaha.
Bilsi dok-snirangna dingtang dingtang departmentrango casual employee dake kam ka·ani ja·mano uamangni servicerangko National People’s Partyni (NPP) dilgipa, gitcham executive committee 2023-24 bilsirango regularise ka·ahachim.
“Regularise ka·gimin kam ka·giparangko casual dake rakkipilaniko darangoba nikjawa. Ia rai-ko ra·na skang, chingko okamchengna nangchim. EC gitchamoba gitaloba, uni niamrang council aro staffni nangnikani baksa melina nanggen. EC gitchamni somoio chinga dormaharang sokbaani aro uandakgiparangni bidingo neng·nikanirang dongjachim, indiba da·o gitalgipa EC-de tangkarangni bidingo bang·en neng·nikanirangko aganenga,” ine neng·nikaniko man·enggipa KHADC-o kam ka·giparang CEMko grongani ja·mano aganaha.
Tangkarangko man·jagenchimoba, EC gitchamde neng·nikanirangko namatna jotton ka·aiachim, indiba EC gitalde tangka dongjani gimin staffrangko kam-oni dontongatna ba rakkikamaoniko ra·galna nangaiama ineba uamang sing·doaniko dakaha. Una agreba, CEM ia niam gitalko ra·gatgenchimode mikkangchina chanchiesa dakchina ineba uamang agandapaha.
“Iano kam ka·giparang gimikan ong·nasipile interviewrang ba porikkarangko see kamna rakkiako man·giparang ong·ja ine pilakan u·ia. Uni gimin EC sakoba kam bon·atna sikgenchimode, mandeko basegija pilakni kamkon bon·atna nanga,” ine uamang janapaha.
Uandake, ia obostao ga·akenggipa manderang niamni gita sandianirangko dakna courtona re·ama re·jawa chanchianirangko dakenga ine aganangkuaha.
Enforcement constable Khrawbor Mawlongni aganani gitade, CEM uamangna aganchakaniko name on·na man·jaha indiba EC uni on·gimin hukumko ra·pilna man·jawa inesa uamangna aganaiaha.
Na·simang ia video-koba nina man·gen:
Na·simang iakoba poraina man·gen: Mikka jimbeanichi Chaygaon jolo chi pe·e a·arangko man·pakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
