Shillong, Jul 14: East Jaintia Hills a•jani Elaka Nongkhlieh-o a•ningni gamrangko bikotna on•anichi District Council-ni niamrangko pe•aha ine matnangenba, Elaka Nongkhlieh-ni Dolloi-ko ra•galchina dabie Mongolbar salo, Jaintia National Council (JNC) aro Jaintia Students Union (JSU), Jaintia Hills Autonomous District Council (JHADC) office-ona re•jomangaha.
Ia re•jomanio JNC aro JSU-ni membor-rang baksana Elaka Nongkhlieh-o songdongenggipa manderangba bak ra•angtokaha aro JHADC-ona re•jomangani ja•man uamang, Elaka Nongkhlieh-ni Dolloi-ko ra•galchina dingtangmancha memorandum-koba on•angaha.
JNC aro JSU-ni matnangani gitade, Elaka Nongkhlieh-ni Dolloi, maming niamrangko ja•rikchenggija Lum Syrman songo, a•ningni gamrangko bikotna No Objection Certificate (NOC)-ko on•aha aro ian District Council-ni dongimin niamrangkoba pe•a ga•akaha.
Shree Cement company, Elaka Nongkhlieh-ni Dolloi baksa melie, songo donggipa manderangni a•arangoba niam gri napdraaha ineba JNC aro JSU matnangataha.
Ia jolo songdongenggipa Tribal manderangna on•gimin a•ani bilrangko chel•chakchina gitaba NGO-rang, JHADC-ko didiangaha.
Indake ong•engon, JNC aro JSU-ni JHADC-ona re•jombaengako kobor man•soahaoba JHADC-ni Chief Executive Membor (CEM), ua somoio JHADC office-oni re•angsoaha ine official-rang u•iatskaaha.
Na·simang iakoba nina man·gen:
Na·simang iakoba poraina man·gen: Jorhat-ni Medical Missionary Dr. Dudgson a·gilsakko watangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
