Shillong, Naitung 14 : Ka Jaintia National Council (JNC) bad ka Jaintia Students’ Union (JSU), ha ka sngi Ba-ar, kila iatur paidbah sha Jaintia Hills Autonomous District Council (JHADC) ban dawa weng mardor ia u Dolloi ka Elaka Nongkhlieh.
Kane ka jingtur paidbah ka dei kaba la pynlong ban dawa leh eiei halor ka jingkynnoh ba pyniaid bakla ia ka synshar khadar bad ka jingkyntur ia ka jaka ki paidbah ha Elaka Nongkhlieh, East Jaintia Hills.
Kine ki Seng kila aiti ia ka thup ki jingdawa sha ka Counci haba dawa jur ba dei ban weng kam mardor ia u Dolloi ka Elaka.
Kine ki Seng kila kynnoh ba u Dolloi ula pynkhreh ia ki ain ka District Council da kaba plie lynti ia ka jingtih par ha Lum Syrman khlem da iaid kat kum ka lynti treikam ka ain bad ki bor pyniaid.
Kila kynnoh ruh ba ki agent ka Shree Cement kila kyntur jubor sha ki jaka ki kpa tynmen kiba dei jong ki nongshongshnong ka Elaka Nongkhlieh, da ka jingkynnoh iasuhbuit bad u Dolloi.
Kila dawa ia ka JHADC ba kan tuklar bad iada ia ka hok longtrai ia ka khyndew ka shyiap jong ki trai muluk hapoh ka thain.
Ki Dkhot ka JNC, JSU bad ki nongshongshnong ka Elaka Nongkhlieh kiba la iasnohkti lang ha ka rally kila ong ba kila kut jingmut skhem ban iada ia ka khyndew ka shyiap bad pynthikna ba ym dei ban don kano kano ka bor kaba treikam shabar ka ain ka ban ktah ia ki trai nongshongshnong.
U Chief Executive Member (CEM) um shymla don satia ha JHADC ha kane ka jingwan tur kine ki Seng. Ki nongtrei ka Council kila pyntip ba ula mih kham hashuwa, wat hadien ka jingpyntip ia ka jingwan kine ki artylli ki seng.
Pule ruh : Donkam bha ka MRSSA Amendment ban lah pyrrkhing ia ka rung ka mih ki briew sha Jylla, ong u CM
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
 bad ka Jaintia Students’ Union (JSU), ha ka sngi Ba-ar, kila iatur paidbah sha Jaintia Hills Autonomous District Council (JHADC) ban dawa weng mardor ia u Dolloi ka Elaka Nongkhlieh.){kind=link}