Shillong, Naitung 13 : Hadien 37 snem ka jingap khmih lynti, ki nongshongshnong ka Shillong Cantonment kin sa hap noh hapoh ka jingtreikam ka Building Bye-Law, ong u Myntri Sorkar Bah Sanbor Shullai ha ka sngi Nyngkong.
Ha ka kyrwoh, u Bah Sanbor ula pynpaw ia ka jingsngewhun halor kane ka jinglong jingman bad kynnoh ia ka jingpynslem sha ka notification u snem 1989 bala pynmih da ka Sorkar Congress.
“Ki nongshongshnong ka Shillong Cantonment ki lah ban shah pynhap noh hapoh ki kyndon treikam jong ka Building Bye-Law hadien ka jingap ba 37 snem. Ha u snem 1989, ka Sorkar Congress kala pynmih ia ka jingpynbna b aka F.S.I floor space index ka long 0.5 bad naduh katei ka por,ki nongshongshnong kila mad ia ka jingjynjar” ong u bah Sanbor.
Ula ai burom ia kane ka jingiaid shakhmat ka kam sha ka jingpyrshang ba khlem sangeh jong ka Shillong Cantonment Board bad ki Ophisar ka Jylla. “Nga ai khublei ia u President ka Shillong Cantonment Board Rajesh Verma, u CEO barim ka Board Ayush Maurya, u Word Member Bipen Pradhan, Engineer na ka Contonment Board bad MUDA namar ka jingpyrshang khlem sangeh ban pyntreikam ia ka bye-law” ula pynpaw.
U Bah Sanbor, uba la leit iashimbynta ha ka jingialang ka Board kum u dkhot ba shah khot sngewbha, ula iathuh ba ka jingialang kala iatai bniah bha ban weng ia ki jingeh kiba don hakhmat.
“Kum u dkhot ba shah khot sngewbha jong ka Board, Nga la iashimbynta ha bun tylli ki jingialang jong ka Cantonment Board. Don ki por ba ki jingialang ki neh palat ia ka phra kynta khnang ban pynthikna ba kan nym don ka jingiatakhuh kam bad ka Sorkar” ula ong.
Ula ai jingiaroh ruh ia ka jingleit buddien jong ki Nongtrei ka Sorkar sha New Delhi dang shen.
Kat kum ka jingong jong u, ia ka draft building bye-law la pynmih ha ka Gazette notification ba 3 tarik Naitung, 2026 da ka Ministry of Defence. Ka notification ka khot sngewbha ia ki jingai jingmut bad ki jingpyrshah hapoh ka 30 sngi.
Ban pynkloi ia ka jingai jingmut u paidbah, u Myntri ula iathuh ba un sa lum ia ka jingialang bad ki nongshongwai haki sngi ban wan khnang ba yn lah ban phah ia ki jingai jingmut jong ki sha ka Ministry hashuwa ka 3 tarik Nailar.
Pule ruh : Ai khublei ka Seng tih dewiong ia u CM ba tynruh ban sdang biang ka jingtih da ka stad saian
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
