Guwahati, July 20: National Register of Citizens (NRC)-na dorgastorangko galan baksana August 13 tarikoni August 15 tarikona noktangtango a•songni nisanko songdochina a•dokni manderangko aganahani gimin Assam a•dokni Opposition dolrang, Assam-ni Chief Minister Himanta Biswa Sarma-ko jegalgrimtokaha.

An•tangtangko a•songo songdongkamgiparang ine mesokna man•na gita NRC-na dorgasto galmangmangaiade chu•ongja ine noktangtango a•songni nisanko songchina gita Mongolbar salo Sarma, Assam a•dokni manderangko didiatahachim.

Uni iandake NRC-ko onchepe aganahani gimin Assam-ni Chief Minister-ko jegalatengon, NRC-ara a•songni Constitution ba niam bidiko pangchake a•songo songdongkamgipa manderangna dongimin niamsa ong•a aro uni iandake agananiara a•songni niam bidikko pe•ani gita ong•aha ine Congress dolni ku•wattimgipa Aruba Bhattacharjee parakataha.