Itanagar, Jan 13: NSCN (IM) bobil dolni bimchipe kamko ka•enggipa sak 6 sipairangko, Arunachal Pradesh-ni Longding a•jao, chel•chaksogipa dolrang rim•aha.
Ia rim•a man•gipa manderangara, Wancha a•jani Wangpang Wangsa jolni, Self-styled (SS) Secretary ong•achim ine u•ina gita man•aha aro ia manderangara, SS major Photong Pansa ba jekon, Janmai ba Pannai ine jakalachim, SS captain Mikgam ba Longsah ba Tapha Wangsa, SS sergeant Tangwang ba Athang Wangsa, SS captain Alung Ngodam aro SS Jamgang Gangsa ong•achim.
Indake, ua jolo bobil dolrangni donganiko kobor man•ani bakan, Longding Police dol aro chelchaksogipa sipairang, Longding songjinma aro Niausa songni gisepo am•sandianiko dakna a•bachengaha aro ia manderangko rim•na man•aha.
“Ia manderang baksa agangrike sing•sandianiko dakengon, silchidare aro guli barutrangko badia biapo donnue donengachim, uko uamang parakaha. Chinga ua biaponiko am•sandina a•bachengahaon, bol 3 MQ Rifle-rangko, detonator ba bomb bretatna jakkalgipa ostro-rang, mobile phone-rang aro silchidarerangko, Knoknu aro Khasa songrangni giseponiko man•aha” ine Police official aganaha.
Iana agreba, ua a•jani head department-rangna aro manderangko dilenggiparangna, drae tangka dabiani chitti-rangko on•anioba jak donga aro iana baten dal•bata miksonganina ja•ku de•enga ineba uamang ku•rachakangaha.
Re•anggipa bilsio, Longding a•jao salanti ong•nasipile rim•sruke ra•anganiko chagrongangaha. Indake, 2023 bilsini November jao, NSCN (K) bobil dolni bak dakgipa, Ang mai bobil dolni sipairang, Chop songni skotong aro GB-ko rim•srukangaha.
Songni skotong dilgipa Chijgsan Wangham aro GB Chopkhu Gangsa-ko, ja•gimik ong•nasipile rim•e donani jamano, December jani 23 tariko watatpilaha.
Iakoba poraie nina man·gen: Tura Christian Hospital-ni Oxygen plant-ko Conrad kulie on•anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
