Guwahati, Sept 3: September jani 2 tariko, Shillong-ni St. Edmund’s College aro Shillong College, Aaryanyak-ni Dr. Bibhab Kumar Talukdar-ko India-ni Salgro Salaram jolo samtangtango donggipa ong·telaigiparang aro janggi gnanggiparangko ripingna nangchongmotani gimin jinmana u·iate on·china okamataha.
St. Edmund’s College-o Zoology Department aro IQAC, “Wildlife Conservation: A Shared Responsibility”-ni bidingo program-ko ong·atangaha. Dr Talukdar, sak 200 chatro chatrirang aro skigiparang baksa agangrikengon, jolo ma·manti sambolrang aro janggi gnanggiparangni bidingo talate on·ani, dingtang dingtang kamni a·barango apsan kamko ka·na nangani baksana chatro chatrirangko am·sandianio, a·damo donge kamko ka·ani baksana Aaryanyak-ni internship aro volunteering program-rango bak ra·pachina didianiko dakangaha. Principal in-charge, Br. Sunil Britto uko mande ra·aniko dakangskaaha.
Shillong College-o ua “Research Opportunities in the Field of Bioresource Conservation in Northeast India”-ni bidingo jinmana aganprakaniko dakangan baksana ua Zoology poraienggipa chatro chatrirangko am·sandiani baksana ong·telaigiparangoniko skie ra·china aro Aaryanyak-ni on·enggipa cholrangko jakkalchina didiataha.
Ia college damgnini skigiparangan, chatro chatrirangna jaktangchi dake nie changa sapaniko on·an baksana mikkangchi ripingani bidingo am·sandigiparangko tarisamsona Aaryanyak baksa kam ka·na namnikpaaniko mesokangaha.
Na·simang iakoba nina man·gen:
Na·simang iakoba poraina man·gen: M’laya-o ST quota-ko Khasi, Jaintia aro Garo-rangnasan on·na janapani bidingo jegalanirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
