38.5 C
Tura
spot_img

Pa. Conrad K. Sangma BJP doloni adita sak dilgiparangni Sorkariko matnanganina daito gnanggiparang ong·china aganskaaha

Must read

Shillong, Oct 19: Meghalayani Skotong Minister Pa. Conrad K. Sangma, Meghalaya BJP ni adita sak dilgiparangni koborrangona changni chang jegalani aro matnangani apsan kattarangkon cho·biltaitaie dul dokani gimin rake aganchakskaaha. 

October 19 attamo kobor segiparangna aganengon Pa. Sangma angni Office ni do·gachol pangnan opanga, BJP dol maikoba nangnikode angona re·bae donnua gri golporimna man·aigenchim indiba uamangni kamara politics ni a·bao ku·mikchetaniko pe·ani ong·a aro uamangoni mitamde an·tangtangni gisik chubanda ong·aniko paraka ine aganaha.

A·dok BJP-ni Padot Pa. Ernest Mawrie aro adita sak dilgiparangni District Councilrango tangka jakkalsretaha ine Sorkarini kosako agananirangna politics-ode bimangsan ong·e rikenggipa Sorkarini ning·o bak man·pagipa dolantini gisepon ku·mikchetgrikani donga aro uan namen gamchata. Sorkarina chakpaenggipa dolantikon chinga maan ra·a aro chinga an·tangtangko chubatgipa gadango ong·a ineba kangja, jegalenggipa manderangara 2018 bilsio Meghalaya Democratic Alliance (MDA) Sorkariko atchiatani somoiode BJP ni membor rangan ong·kujachim, uno mai kattarangko ku·mikchetgrike ra·ahachim ukoba uamang u·ija. Uni gimin da·o indakgipa kattarangko aganapana uamango maming bil dongja ineba Pa. Sangma aganaha.

A·dok BJP ni dilgipa saksa MDA Sorkariko BJP dolsa bimang ong·ata aro BJP sa Conrad K. Sangma ko Skotong Minister ong·china biming minga ineba kange ra·aha.  Ning·tubate niatgenode MDA Sorkariko rikanio unomiting MLA ong·kugijagipa Pa. Sangma-ko UDP ni dilgipa Dr. Donkupar Roy sagi sa Skotong Minister ong·china biming mingaha ine nikatna man·gen.

Pa. Sangma MDA Sorkarini Chairman ba ong·jolengani gimin bakrimpaenggipa dolantini neng·nikanirangko knachakani aro ra·chakani ong·ode nangnikanirangko chu·sokatani uni daitoo ong·a ineba aganaha.

Re·anggipa somoio Dakchakgipa Skotong Minister Pa. Prestone Tynsong-ni BJP dol Sorkario bakrimna sikjahaode chakpaaniko ra·pilna man·gen ine agananikoba chakpae aganaha.

 Indake ong·engon BJP MLA Pa. Shanbor Shullai Meghalaya Pradesh BJP ni Padot Pa. Ernest Mawrie na lekka seanio sason ka·enggipa MDA sorkarini kosako BJP dilgiparangni jegalgimin rangko aro matnanggimin rangko pilni pil cho·biltaitaie kobor segiparangni mikkango dul dokaniara namgipa ja·ku ong·ja maina NPP aro BJP dol gni an North East Democratic Alliance ni bak rengsi ong·paa ine janapaha.

Maioba neng·nikanirangko chagrongode uko kobor rangona sokatgija Sorkario bak man·paenggipa sak 2 MLA ni u·ianiona ra·bachengna man·gen, uno chanchiani ja·manosa je dakgipa ja·kukoba ga·gen, Skotong Minister jean da·o rikenggipa MDA sorkariniba Chairman ong·a a·doko BJP dolko namnikjaoba aro dolni kosako jegalanirang donggenoba pilak dakchakanirangkon on·aha, uni gimin re·anggipa October 2 tariko BJP dolni chubatgipa Committe ni tom·anio ra·chake ku·mikchetgimin gita darangba BJP MLA sakgni baksa chanchirimchenggijade je kattakoba kobor rangona sokatpanabe maina niam-ko de ja·riknasa taria pe·na ong·ja ineba janapaha.

spot_img

More articles

spot_img
-->

Latest article