Williamnagar, Jun 10: East Garo Hills a·jani Nengkra jolo, Excise Department-ni ning·o bonded warehouse kulina manchienganiko jegale, jolni dingtang dingtang dolrang, East Garo Hills a·jani Deputy Commissioner-na sedoataha.
Iani bidingo, Garo Students’ Union (GSU), Garoland State Movement Committee (GSMC) aro A·chik Holistic Awakening Movement (AHAM), East Garo Hills a·jani Deputy Commissioner-na badi ka·e sedoatengon, je biapon bonded warehouse-ko kulina miksongengachim, ia jolara, manderangni songdong a·chagipa biapsa ong·ani gimin bonded warehouse-ko kulina kragipa biap ong·ja ine ia biapo bonded warehouse-na on·gipa permit-ko den·galpilchina didiataha.
Ia biapo bonded warehouse-ko kuligenchimode ia jolrango ong·gija kamrangko aro so·sojengjeng ong·anirangko nikan baksana bi·sarangna aro me·chikrangna kenchakna nanganirangba ong·ani cholrang donga ine janapatengon, ia biapo bonded warehouse kulina on·gimin permit-ko den·galpilchina jolo songdongenggipa manderang aro dingtang dingtang dolrang, East Garo Hills a·jani Deputy Commissioner-ko didiataha.
Na·simang iakoba nina man·gen:
Na·simang iakoba poraina man·gen: Boko-o MLA tangka gong crore 6.19-chi tarina sigipa sorok-ni project-ko opraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
