Tura, Jan 12: January-ni 15 tariko, changbongagipa Meghalaya Games-ko a•songni President Droupadi Murmu, Tura-ona re•bae do•ga oe on•angna siengani gimin ia Meghalaya Games-ko ong•atenggipa Tura-ni PA Sangma Stadium-o tarisamsoanirangko Sukrobar salo, Meghalaya a•dokni Chief Minister Conrad K Sangma niangaha.
PA Sangma Stadium-ko niangani somoio Chief Minister baksana Assembly-ni Speaker Thomas A Sangma aro Sports & Youth Affairs Minister Shakliar Warjri-ba dongpaaha.
Tura songjinmao ian skanggipa changna Meghalaya Games-ko sokachakani ong•engachim aro ia kal•susaaniko sokachakanio kamrangko nambate ka•sona man•na gita Chief Minister, an•tangan PA Sangma Stadium-ona re•ange, tarisamsoani kamrangko niangaha.
Iakoba poraie nina man·gen: Karbi Youth Festival-ni bilsi 50 gapaniko manianio Indiani President Droupadi Murmu dongpagen
WATCH:
