Agartala, Mar 12: Election-ni somoio dingtang dingtang dolrangni gisepo dinggrikanirangko sandirokna aro ua jolo songdongenggipa manderang baksa agangrikna gita Tripura a·dokona re·bagipa Parliament-ni dolsa manderangko Sukrobar salo BJP-ni dolsa manderang chadrapaha aro uandaken ia dolni Tripura a·doko re·rurae kam ka·aniko dontongatpilaha ine kobor on·aha.
CPI-M Tripura-ni state secretary aro gitcham minister Jitendra Chaudhury-ni parakatani gitade, Parliament-oni re·bagipa dolsa manderangko Sukrobar attamo, Nehalchandra Nagar Bazar (Bisalgarh)-o ong·gijagipa manderang chadrapahani gimin ia dolni mikkangchi ka·angkugnigipa kamrangko ua somoion dontongatpilna nangaha.
Congress aro CPI-M dolrangoni u·iatani gitade, Parliament-oni re·bagipa dolni membor-rang, so·sojengjeng ong·anggipa Sepahijala a·jani Bishalgarh-ona re·angengmiting somoio BJP-ni dakchakanichi dolsa manderang uamangko chadrapenba, gari bolgittamko nisigalaha.
Parliament-oni re·bagipa manderangko BJP-na kam ka·enggipa manderang, Saliram Tripura-ni Mohanpur-oba champengsoaha ine kobor on·aha.
Parliament-oni re·bagipa dolni membor-ranga Lok Sabha-oni P.R. Natarajan, Ranjita Ranjan, A.A Rahim, Abdul Khalique aro Rajya Sabha-ni Bikash Ranjan Bhattacharya, Vinay Viswam, aro Elaram Karim ong·achim.
